కొన్నాళ్ల క్రితమే వంశీ ‘ఫ్యాషన్ డిజైనర్’ సినిమాతో పరిచయం అవ్వాల్సిన అభిరామ్ ఆ సినిమాని వదులుకున్నాడు. కొన్నాళ్ళు శ్రీ రెడ్డి వివాదం లో తన పేరు వచ్చింది, కానీ అభిరామ్ మాత్రం సైలెంట్ గానే ఉన్నాడు.
ఆఖరికి తేజ దర్శకత్వంలో ‘అహింస’ సినిమాతో టాలీవుడ్ లో అడుగుపెడుతున్నాడు అభిరామ్. గీతికా హీరోయిన్ గా నటించిన ఈ సినిమాలో సముద్రఖని విలన్ గా కనిపించినట్లు తెలుస్తోంది. రజత్‌ బేడీ, సదా, రవి కాలే, కమల్‌ కామరాజు తదితరులు ఇందులో ఇతర పాత్రల్లో నటించారు.
ఆనంది ఆర్ట్‌ క్రియేషన్స్‌ బ్యానర్‌ పై నిర్మాత పి కిరణ్‌ నిర్మిచిన ఈ సినిమా ఒక యాక్షన్ తో కూడిన లవ్ స్టోరీ గా తెలుస్తుంది. చాలా కాలం తర్వాత ఆర్పీ పట్నాయక్ ఈ సినిమాకు మ్యూజిక్ అందిస్తున్నాడు. ఈ మూవీ యొక్క ఫస్ట్ లుక్ ని సెప్టెంబర్ 9వ తేదీన ఉదయం 9 గం. 9 ని. లకు విడుదల చేయనున్నట్లు కొద్దిసేపటి క్రితం యూనిట్ ప్రకటించింది.