ప్రభాస్.. ఇండియాలోనే బిగ్గెస్ట్ మార్కెట్ ఉన్న హీరో. ప్రశాంత్ నీల్.. ‘కెజిఎఫ్’ సినిమాతో జాతీయ స్థాయిలో గుర్తింపు తెచ్చుకున్న డైరెక్టర్. ఈ ఇద్దరూ కలిసి సినిమా చేస్తే ఆ క్రేజ్ లెవల్ విపరీతంగా ఉంటుంది. వ్యాపార వర్గాల్లో హాట్ కేకే తరహాలో అమ్ముడైపోతుంది. ప్రజెంట్ ‘సలార్’ విషయంలో ఇదే జరుగుతోంది. ఇదొక గ్యాంగ్ స్టర్ చిత్రం. భారీ వ్యయంతో నిర్మితమవుతోంది. ప్రభాస్, ప్రశాంత్ నీల్ భవిష్యత్తులో చేయబోయే భారీ ప్రాజెక్టుకు ఇది శాంపిల్ వెర్షన్. దీన్నే విపరీత స్థాయిలో రూపొందిస్తున్నారు. ఇండియన్ లాంగ్వేజెస్ అన్నింటిలోనూ ఇది రిలీజ్ కానుంది.
అన్ని పరిశ్రమల్లోనూ ప్రేక్షకులు ఎంతో ఆసక్తిగా సినిమా కోసం ఎదురుచూస్తున్నారు. అందుకే సినిమా హక్కుల కోసం ఎగబడుతున్నారు. ఇప్పటికే థియేట్రికల్ రైట్స్ కొందరు బ్లాక్ చేసుకోగా ఇప్పుడు డిజిటల్ స్ట్రీమింగ్ హక్కుల కోసం పోటీ నెలకొంది. ప్రముఖ ఓటీటీ సంస్థ అమెజాన్ ప్రైమ్ హెవీ అమౌంట్ ఇచ్చి హక్కుల్ని కొనడానికి సిద్ధంగా ఉందట. ఈ ధర ఇప్పటి వరకు ఏ ఇండియన్ సినిమాకు దక్కనంత రికార్డ్ ధర అని తెలుస్తోంది. అమెజాన్ మాత్రమే కాదు ఇతర బడా సంస్థలు సైతం సినిమా హక్కుల కోసం తీవ్రంగా ట్రై చేస్తున్నాయి. మొత్తానికి సినిమా ఇంకా సగం కూడ పూర్తికాకముందే అలజడి సృష్టిస్తోంది.