Pushpa-Amazon Prime: అల్లు అర్జున్ నటించిన పుష్ప: ది రైజ్ కోవిడ్ సంక్షోభం మధ్య మరే ఇతర భారతీయ చిత్రంకు సాధ్యం కాని విధంగా.. బాక్స్ ఆఫీస్ వద్ద వసూళ్ల సునామీ సాధించింది. ముఖ్యంగా, హిందీ వెర్షన్ లో బాక్స్ ఆఫీస్ వద్ద ఎవరూ ఊహించని రీతిలో దూసుకుపోతోంది. అక్కడ దాదాపు ఈ సినిమా రూ.70 నుంచి 80 కోట్ల వరకు వసూలుచేయవచ్చనేది సినీ ప్రముఖులు అంటున్నారు. ఇది ఇప్పటికీ థియేటర్లలో నడుస్తుండగా.. ఈ సినిమా OTT ప్లాట్ఫారమ్లో ప్రేక్షకులను అలరించడానికి సిద్ధంగా ఉంది.
పుష్ప: ది రైజ్ పార్ట్ ఒన్ అమెజాన్ ప్రైమ్ వీడియో లో జనవరి 7, శుక్రవారం రాత్రి 8 గంటలకు ప్రసారం కానుంది. ఇక ఈ సినిమా విడుదలకు కేవలం ఒక్క రోజు మాత్రమే ఉండడంతో.. కోవిడ్ సమయంలో ఇంట్లో కూర్చొని సినిమా చూసేందుకు ప్రేక్షకుల ఆత్రుతగా ఎదురు చూస్తున్నారు. ఇదిలా ఉండగా.. OTT ప్లాట్ఫారమ్లో పుష్ప విడుదలపై మరో ఆసక్తికరమైన అప్డేట్ వైరల్ అవుతోంది. అల్లు అర్జున్ , రష్మిక మందన్న జంటగా నటించిన ఈ సినిమా స్ట్రీమింగ్ హక్కులను అమెజాన్ 22 కోట్ల రూపాయలకు కొనుగోలు చేసిందని సోషల్ మీడియాలో ఈ వార్త చక్కర్లు కొడుతోంది.
ఆసక్తికరమైన విషయమేమిటంటే.. మేకర్స్ పుష్ప చిత్రాన్ని థియేటర్లలో విడుదల చేసిన తర్వాత కూడా.. ఇంత పెద్ద మొత్తంలో డబ్బులు చెల్లించడం అనేది చెప్పుకోదగిన విషయమే. ఇలా అది అటు బాక్సాఫీస్ వద్ద కలెక్షన్ల సునామీ స్పష్టిస్తూనే.. ఇటు ఊహించని విధంగా.. స్ట్రీమింగ్ హక్కులు మరింత ఎక్కువ ధరకు అమ్ముడయ్యాయి. పుష్ప ప్రపంచవ్యాప్తంగా బాక్స్ ఆఫీస్ వద్ద రూ. 300 కోట్ల రూపాయలకు పైగా వసూళ్లను రాబట్టింది. కేవలం హిందీ వర్షెన్ లోనే రూ.70 కోట్లకు పైగా చేరువలో ఉంది.