Allu Sneha- Allu Arha : టాలీవుడ్ ఐకాన్ స్టార్ అల్లు అర్జున్, స్నేహ రెడ్డిల గారాల పట్టి, ముద్దుల కూతురు అల్లు అర్హ గురించి ప్రత్యేకంగా చెప్పనక్కర్లేదు. కొడుకుతో పోల్చుకుంటే అల్లు అర్హ చాలా యాక్టివ్ గా ఉంటుంది. ఆమె చేసే చిలిపి చిలిపి పనులకు సంబంధించిన ఫోటోలను ఎప్పటికప్పుడు స్నేహారెడ్డి సోషల్ మీడియాలో షేర్ చేస్తూనే ఉంటుంది. అయితే అల్లు అర్హ, అల్లు అయాన్ ఇద్దరూ స్టార్ కిడ్స్ అయినప్పటికీ సాధారణ పిల్లల్లాగే ఉంటారన్న విషయం తెలిసిందే.
వీరిలో ముఖ్యంగా అర్హకి నెట్టింట సపరేట్ ఫ్యాన్ బేస్ ఉందని చెప్పడంలో ఎటువంటి సందేహం లేదు. ఈ వయసుకే భారీగా అభిమానులను సంపాదించుకుంది అల్లు అర్హ. ఇది ఇలా ఉంటే నేడు అల్లు అర్హ పుట్టినరోజు సందర్భంగా స్నేహ రెడ్డి తన ముద్దుల కూతురికి స్పెషల్ బర్త్డే విషెస్ చెబుతూ ఒక వీడియోని అలాగే కొన్ని ఫోటోలను కూడా షేర్ చేసింది. సోషల్ మీడియాలో స్పెషల్ వీడియోని షేర్ చేస్తూ ” హ్యాపీ బర్త్ డే మై క్యూటెస్ట్ , స్వీటెస్ట్, బేబీ.. మేము నిన్ను చాలా ప్రేమిస్తున్నాము. మా జీవితంలో ఈ రోజు చాలా ప్రత్యేకం..” అంటూ తన పోస్ట్ లో రాసుకొచ్చింది స్నేహ రెడ్డి.
ప్రస్తుతం స్నేహ రెడ్డి చేసిన ఈ పోస్ట్ సోషల్ మీడియాలో వైరల్ అవుతోంది. వాటితో పాటు కొన్ని వేరు ఫొటోస్ ని కూడా షేర్ చేసింది స్నేహ రెడ్డి. అందుకు సంబంధించిన పోస్ట్ సోషల్ మీడియాలో వైరల్ అవ్వడంతో అభిమానులు అల్లు అర్హ కి బర్త్డే విషెస్ చెబుతున్నారు. అంతేకాకుండా అల్లు అర్జున్ అభిమానులు అల్లు అర్జున్ సంబంధించిన ఫోటోలను నెట్టింట తెగ వైరల్ చేస్తున్నారు.