Pushpa 2: టాలీవుడ్ అల్లు అర్జున్ హీరోగా నటించిన పుష్ప 2 విడుదల కావడానికి మరికొద్ది రోజులు మాత్రమే సమయం ఉంది. ఇప్పటికే ఈ సినిమాకు సంబంధించిన షూటింగ్ కూడా పూర్తి అయ్యింది. ఇప్పటికే మూవీ మేకర్స్ ప్రమోషన్స్ కార్యక్రమాలను కూడా మొదలుపెట్టారు. అప్పుడే బన్నీ ప్రచార కార్యక్రమాలలో భాగంగా అన్ స్టాపబుల్ షోలో పాల్గొన్న విషయం తెలిసిందే.
ఆ సంగతి పక్కన పెడితే పుష్ప టు ట్రైలర్ రిలీజ్ ఈవెంట్ కోసం తాజాగా అల్లు అర్జున్ పాట్నాకు చేరుకున్న విషయం తెలిసిందే. అంతేకాకుండా తాజాగా పుష్ప 2 ట్రైలర్ను కూడా విడుదల చేశారు మూవీ మేకర్స్. తెలుగు ప్రేక్షకులతో పాటు పాన్ ఇండియా ప్రేక్షకులు ఎప్పుడు అని ఎదురుచూస్తున్న పుష్ప ట్రైలర్ రానే వచ్చేసింది. తాజాగా విడుదలైన ఈ ట్రైలర్ కు ప్రేక్షకుల నుంచి భారీగా రెస్పాన్స్ వస్తోంది. 168 సెకండ్ల నిడివి తో విడుదలైన పుష్ప 2 ట్రైలర్ కు ప్రేక్షకుల నుంచి అదిరిపోయే రెస్పాన్స్ వస్తోంది.
“పుష్ప అంటే పేరు కాదు” పుష్ప అంటే బ్రాండ్, “శ్రీవల్లి నా పెళ్ళాం.. పెళ్లాం మాట మొగుడు వింటే ఎట్టా ఉంటాదో ప్రపంచానికి చూపిస్తా “.. అంటూ అల్లు అర్జున్ చెప్పిన మాస్ డైలాగ్స్ శ్రీవల్లి చెప్పిన మాస్ డైలాగ్స్ పూనకాలు తెప్పిస్తున్నాయి. మొత్తంగా చూసుకుంటే పుష్ప ట్రైలర్ దుమ్ము రేపుతోంది. ఈ ట్రైలర్ ని చూసిన ప్రేక్షకులు ఈసారి రికార్డులు బద్దలు కావడం పక్క అంటూ కామెంట్లు చేస్తున్నారు. పుష్పరాజ్ అదరగొట్టేసాడు అంటూ కామెంట్లు చేస్తున్నారు.