Allu Arjun: టాలీవుడ్ ఐకాన్ స్టార్ అల్లు అర్జున్ ప్రస్తుతం పుష్ప అనే చిత్రం ద్వారా ప్రేక్షకుల ముందుకు వచ్చి ప్రతి ఒక్క భాషలో ఎంతో మంచి గుర్తింపును సంపాదించుకున్నారు.ఇప్పటివరకు కేవలం దక్షిణాది రాష్ట్రాలలో మాత్రమే తన హవా కొనసాగించిన బన్నీ పుష్ప సినిమాతో ఏకంగా బాలీవుడ్ ఇండస్ట్రీలో కూడా తన మార్క్ ఏంటో చూపించారు.ఇదిలా ఉండగా పుష్ప సినిమా హిందీలో కూడా భారీగా వసూళ్లు రావడంతో అభిమానులు ఎంతో సంతోషం వ్యక్తం చేస్తూ త్వరలోనే అల్లు అర్జున్ ఎంట్రీ ఇవ్వబోతున్నారనీ ఆశాభావం వ్యక్తం చేస్తున్నారు.
ఈ విధంగా అల్లు అర్జున్ బాలీవుడ్ ఎంట్రీ గురించి ఎన్నో వార్తలు చక్కర్లు కొడుతున్నాయి. ఇదే విషయం గురించి అల్లు అరవింద్ ఒక సందర్భంలో మాట్లాడుతూ.. బన్నీ బాలీవుడ్ ఎంట్రీ గురించి కాస్త క్లూ ఇచ్చారు.ఇక పుష్ప సినిమా బాలీవుడ్ ఇండస్ట్రీ లో మంచి క్రేజ్ దక్కించుకోవడంతో ఈయన బాలీవుడ్ ఎంట్రీ గురించి పెద్ద ఎత్తున వార్తలు వస్తున్నాయి.ఈ క్రమంలోనే బాలీవుడ్ ఎంట్రీ గురించి అల్లు అర్జున్ మాట్లాడుతూ తన మనసులో మాటను బయటపెట్టారు.
తనకు బాలీవుడ్ ఇండస్ట్రీలో నటించాలనే కోరిక ఉందని అయితే తనకు అనుగుణంగా స్క్రిప్ట్, అందులో తన పాత్ర ఎగ్జైటింగ్గా ఉంటే తప్పకుండా బాలీవుడ్ ఎంట్రీ ఇస్తానని తెలిపారు. ఇలాంటి అవకాశం ఇదివరకే తనకు వచ్చిందని కానీ కొన్ని కారణాల వల్ల ఆ ప్రాజెక్టు ఆగిపోయిందని ఈ సందర్భంగా బన్నీ బాలీవుడ్ ఎంట్రీ గురించి తన అభిప్రాయాన్ని వ్యక్తపరిచారు.ప్రస్తుతం పుష్ప సినిమా విజయోత్సవంలో ఉన్న అల్లు అర్జున్ వచ్చే నెల నుంచి షూటింగ్ లో పాల్గొన్న బోతున్నారు.