Suspense On Radhe Shyam : ఇండియాస్ బిగ్గెస్ట్ సూపర్ స్టార్ ఎవరన్నా ఇప్పుడు ఉన్నారు అంటే అది ఖచ్చితంగా పాన్ ఇండియా స్టార్ ప్రభాస్ అనే చెప్పాలి. మన తెలుగు నుంచి వెళ్లి ఇప్పుడు ఇండియన్ సినిమా దగ్గర మోస్ట్ వాంటెడ్ హీరోగా తాను ఎదిగాడు. ఇక ఇప్పుడు తాను హీరోగా నటించిన భారీ పాన్ ఇండియా సినిమా “రాధే శ్యామ్” కోసం అందరికీ తెలిసిందే.
దర్శకుడు రాధాకృష్ణ తెరకెక్కించిన ఈ భారీ పాన్ ఇండియా సినిమా ఇంకొన్ని రోజుల్లో థియేట్రికల్ గా రిలీజ్ కాబోతోంది. అయితే ఈ మధ్యలో చిత్ర యూనిట్ ఒక్కో కీలక అప్డేట్ ని రివీల్ చేస్తుండగా ఈ సినిమా ఆయా భాషల్లో వాయిస్ ఓవర్ కి సంబంధించి కూడా అప్డేట్స్ ఇస్తూ వస్తున్నారు. ఇప్పటికి నాలుగు భాషల్లో ఎవరెవరు ఇస్తున్నారో కన్ఫర్మ్ కాగా ఒక్క తమిళ భాషలో మాత్రం ఇంకా ఎందుకో సస్పెన్స్ గానే ఉంచేసారు.
అయితే దీనికి ఇంకా అక్కడ సెలెబ్రెటీ ఎవరో ఫైనల్ కాకపోవడమే కారణం అని టాక్ వినిపిస్తుంది. అయితే ఇప్పుడు దీనిపై ఓ క్లారిటీ కూడా వినిపిస్తోంది. దీని ప్రకారం అయితే తమిళ్ లో సీనియర్ నటుడు సత్యరాజ్ తన వాయిస్ ఓవర్ ని అందిస్తున్నారని తెలుస్తోంది. మరి దానిపై ఇంకా క్లారిటీ రావాల్సి ఉంది. ఇదిలా వుండగా ఈ సినిమాలో సత్యరాజ్ కూడా కీలక పాత్రలో నటించిన సంగతి అందరికీ తెలిసిందే. దీనిని తెలుగులో రెబల్ స్టార్ కృష్ణంరాజు గారు పోషించారు.