Prabhas : ఇప్పుడు భారత దేశ సినిమా దగ్గర టాలీవుడ్ సినిమాలు అలాగే తెలుగు హీరోల హవా నడుస్తోంది అని చెప్పడంలో ఎలాంటి సందేహము లేదు. భారీ స్థాయి సినిమాలతో తెలుగు చిత్ర పరిశ్రమ ఇప్పుడు సిద్ధంగా ఉంది. ఇదిలా ఉంటే ఖచ్చితంగా చెప్పొచ్చు ఇప్పుడు ఇండియన్ సినిమా దగ్గర బిగ్గెస్ట్ ఓన్లీ స్టార్ ప్రభాస్ అని.
తన సినిమాలకి మార్కెట్ పరంగానే కాకుండా ఏకంగా 100 కోట్ల రెమ్యునరేషన్ ఒక్కో సినిమాకి తీసుకుంటున్న హీరోగా ప్రభాస్ రికార్డులకు ఎక్కాడు. మరి ప్రభాస్ తర్వాత ఇదే 100 కోట్ల రెమ్యునరేషన్ ఒక్కో సినిమాకి ఛార్జ్ చేస్తున్న మరో టాలీవుడ్ బిగ్ హీరో పేరు ఇప్పుడు వైరల్ అవుతుంది.
అతడు మరెవరో కాదు మెగాపవర్ స్టార్ రామ్ చరణ్ అట. సినీ వర్గాల్లో చక్కర్లు కొడుతున్న ఈ ఊహాగానం నిజమే అట. అది కూడా చరణ్ ఇంత మొత్తాన్ని ప్రస్తుతం శంకర్ తో చేస్తున్న తన 15వ సినిమా నుంచే మొదలు అయ్యింది అని కూడా తెలుస్తోంది.
ఇంకా మరో ఆసక్తికరమైన సమాచారం ఏమిటంటే ఇక ఇక్కడ నుంచి చరణ్ ప్రతి సినిమా లెక్క 100 కోట్ల మార్క్ నుంచే స్టార్ట్ అవుతుంది అట. మొత్తానికి మాత్రం మన స్టార్ హీరోల రేంజ్ నిజంగానే ఇంకో రేంజ్ కి వెళ్ళింది అని చెప్పాలి.