జబర్దస్త్ షో ద్వారా కమెడియన్లుగా పాపులర్ అయిన వారిలో అదిరే అభి కూడా ఒకరు. వృత్తిరీత్యా సాఫ్ట్ వేర్ ఇంజనీర్ అయిన అదిరే అభి యాక్టింగ్ మీద ఉన్న ఇంట్రెస్ట్ వల్ల ఇండస్ట్రీలో అవకాశాలకోసం ప్రయత్నాలు చేశాడు. ఈ క్రమంలో అభికి ఈశ్వర్ సినిమాలో నటించే అవకాశం వచ్చింది. తర్వత జబర్దస్త్ లో అవకాశం రావడంతో ఆ షో ద్వారా కమెడియన్ గా బాగా పాపులర్ అయ్యాడు. అభినయ కృష్ణగా ఉన్న తన పేరు జబర్ధస్త్ వల్ల అదిరే అభిగా మారిపోయింది. అభి ఒకవైపు టీవీ షో లతోపాటు మరొకవైపు సినిమాలలో కూడా నటిస్తూ ప్రస్తుతం చాలా బిజీగా ఉంటున్నాడు. అయితే గత కొంత కాలంగా అదిరే అభి జబర్దస్త్ లో కనిపించడం లేదు.
అదిరే అభి జబర్దస్త్ వారా కమెడియన్ గా బాగా పాపులర్ అయ్యాడు. కానీ ప్రస్తుతం మల్లెమాల వారితో వచ్చిన మనస్పర్థల కారణంగా అభి జబర్దస్త్ విడిచి మా టీవీలో ప్రసారమవుతున్న కామెడీ స్టార్స్ షో ద్వార ప్రేక్షకులను అలరిస్తున్నాడు. ఒకవైపు టీవీ షోలు మరొకవైపు సినిమాలతో అదిరే అభి నిత్యం బిజీగా ఉంటున్నాడు. అభి జబర్దస్త్ వదిలి వెళ్ళటానికి గల కారణాలు గురించి అనేక వార్తలు వినిపించాయి. మల్లెమాల వారు రెమ్యూనరేషన్ తక్కువగా ఇవ్వటం వల్ల అభి జబర్దస్త్ నుండి మా టీవీకి వెళ్ళిపోయాడు అంటూ వార్తలు వచ్చాయి.
ప్రస్తుతం టీవీ షోస్ తో పాటు సినిమాలలో కూడా నటిస్తున్న అభి ప్రధాన పాత్రలో ఒక సినిమాలో నటిస్తున్నాడు. తాజాగా అభి గాయాలపాలైనట్లు వార్తలు హల్ చల్ చేస్తున్నాయి. సినిమా షూటింగ్ సమయంలో ప్రమాదవశాత్తు అదిరే అభి తీవ్ర గాయాల పాలయ్యాడు. ఈ క్రమంలో అభి చేతులు, కాళ్ళ కి తీవ్ర గాయాలయ్యాయి. ముఖ్యంగా అభి చేతి వేళ్ళకు పెద్ద గాయం అవటంతో వెంటనే అతనిని హాస్పిటల్ కి తరలించారు. ఈ క్రమంలో అభి చేతికి 15 కుట్లు పడినట్లు సమాచారం. మొత్తానికి ప్రస్తుతం అభి ఆరోగ్యం నిలకడగా ఉనట్టు తెలుస్తోంది.