లోకనాయకుడు యూనివర్సల్ స్టార్ కమల్ హాసన్ నాలుగు సంవత్సరాల తర్వాత విక్రమ్ సినిమా ద్వారా వెండితెర ప్రేక్షకులను సందడి చేశారు.లోకేష్ కనగరాజ్ దర్శకత్వంలో దాదాపు 120 కోట్ల బడ్జెట్ తో కమల్ హాసన్ తన సొంత నిర్మాణంలో ఈ చిత్రాన్ని తెరకెక్కించారు. ఇక ఈ సినిమా జూన్ మూడవ తేదీ విడుదల అయి బాక్సాఫీసు వద్ద అద్భుతమైన విజయాన్ని అందుకుంది. గత మూడు సంవత్సరాల నుంచి కమల్ హాసన్ సినిమాలలో నటించలేదనే వెలితిని ఈ సినిమా భర్తీ చేసిందని చెప్పాలి. ఈ విధంగా కమల్ హాసన్ విక్రమ్ సినిమా మొదటి షో తోనే అద్భుతమైన హిట్ టాక్ సొంతం చేసుకుంది.
ఇకపోతే ఈ సినిమాలో కమల్ హాసన్ తో పాటు మరొక కోలీవుడ్ నటుడు విజయ్ సేతుపతి కీలక పాత్రలో నటించారు. అదేవిధంగా మలయాళ నటుడు ఫాహద్ ఫాజిల్ కూడా పవర్ ఫుల్ పోలీసాఫీసర్ పాత్ర ద్వారా ప్రేక్షకులను సందడి చేశారు.ఈ విధంగా స్టార్ హీరోలందరూ ఈ సినిమాలో నటించడంతో పెద్ద ఎత్తున సినిమాపై అంచనాలు ఏర్పడ్డాయి. అయితే ఈ సినిమా థియేటర్లో ప్రేక్షకుల అంచనాలను చేరుకుందని చెప్పాలి.
ఇక ఈ ముగ్గురు హీరోలు మాత్రమే కాకుండా ఈ సినిమాలో అతిథి పాత్ర ద్వారా కోలీవుడ్ స్టార్ హీరో సూర్య సందడి చేశారు. ఇక సూర్య పవర్ ఫుల్ ఎంట్రీ ప్రతి ఒక్క ప్రేక్షకుడిని ఎంతగానో ఆకట్టుకుంది.ఇకపోతే ఈ సినిమాలో సూర్య అతిథి పాత్రలో నటించడం కోసం ఎంత మొత్తంలో రెమ్యునరేషన్ తీసుకున్నారనే విషయం గురించి చర్చనీయాంశంగా మారింది.అయితే ఈ సినిమా కోసం సూర్య ఏ విధమైనటువంటి రెమ్యూనరేషన్ లేకుండా ఉచితంగా సినిమాలో నటించినట్లు సమాచారం.సూర్య తన జీవితంలో ఒక్కసారైనా కమలహాసన్ తో సిల్వర్ స్క్రీన్ షేర్ చేసుకోవాలనే కోరిక ఉండేదట.ఇలా విక్రమ్ సినిమా ద్వారా తన కల నెరవేరడంతో సంతోషం వ్యక్తం చేసిన సూర్య ఈ సినిమా కోసం ఒక్క రూపాయి కూడా రెమ్యూనరేషన్ తీసుకోలేదని తెలుస్తోంది.