విడుదలకు సిద్దమైన “ఐక్యూ” (పవర్ అఫ్ స్టూడెంట్స్)

కాయగూరల రాజేశ్వరి సమర్పణలో కె. యల్. పి మూవీస్ పతాకంపై సాయి చరణ్, పల్లవి, ట్రాన్సీ నటీ నటులుగా జి. యల్. బి. శ్రీనివాస్ దర్శకత్వంలో కాయగూరల లక్ష్మీ పతి నిర్మించిన చిత్రం “ఐక్యూ” (పవర్ అఫ్ స్టూడెంట్స్).అన్ని కార్యక్రమాలు పూర్తి చేసుకొని విడుదలకు సిద్దమైన సందర్బంగా చిత్ర యూనిట్ పాత్రికేయుల సమావేశం ఏర్పాటు చేయడం జరిగింది.ఈ కార్యక్రమానికి ముఖ్య అతిథులుగా వచ్చిన నటుడు సుమన్, ప్రతాని రామకృష్ణ గౌడ్, పాండుగొడ్, సేతు మాధవ్ తదితరులు ఈ కార్యక్రమంలో పాల్గొన్నారు. అనంతరం

నటుడు సుమన్ మాట్లాడుతూ.. చాలా కొత్త పాయింట్ ను సెలెక్ట్ చేసుకొని తీసిన ఈ సినిమా ప్రేక్షకులకు చాలా డిఫరెంట్ గా ఉంటుంది. జి. యల్. బి. శ్రీనివాస్ చక్కటి దర్శకత్వం వహించారు. సురేందర్ రెడ్డి మంచి సినిమాటోగ్రఫీ అందించారు. ఘటికాచలంకు వయసు పెరిగిన ఆయన ఆలోచనలు ఎప్పుడూ కొత్తగా ఉంటాయి. తనే ఈ సినిమాకు కథ, మాటలతో పాటు మంచి మ్యూజిక్ ఇచ్చారు. హీరో కు ఇది మొదటి చిత్రమైనా చాలా బాగా నటించాడు. అలాగే ఇందులో నటించిన వారందరూ చాలా బాగా నటించారు. రెగ్యులర్ కథలకు భిన్నంగా కొత్త కథలను సెలెక్ట్ చేసుకొని తీసుకొని చేస్తున్న ఇలాంటి నిర్మాతకు మనం అండగా నిలబడాలి. తను సినిమా బాగా రావాలని ఖర్చు విషయంలో ఎక్కడా కాంప్రమైజ్ కాకుండా నిర్మించారు. తనకు ఈ సినిమా బిగ్ హిట్ అవ్వాలని అన్నారు.

ప్రతాని రామకృష్ణ గౌడ్ మాట్లాడుతూ.. సుమన్ గారు ఇందులో అద్భుతమైన పోలీస్ పాత్రలో నటించారు. తను ఏ సినిమా చేసిన ఆ సినిమాలకు అన్ని ప్రమోషన్ లలో పాల్గొని సినిమాకు సపోర్ట్ గా, నిర్మాతకు అండగా నిలబడతారు . కొత్త సబ్జెక్టు తో చేసిన ఈ సినిమా చూశాను చాలా బాగుంది. అందరికీ కచ్చితంగా నచ్చుతుంది అన్నారు.

చిత్ర నిర్మాత కాయగూరల లక్ష్మీ పతి మాట్లాడుతూ..ఇది ఒక బ్రెయిన్ కు సంబందించిన సినిమా. మేధావి అయిన అమ్మాయి మెదడును అమ్మడానికి వాళ్ళ ప్రొఫెసర్ ఎలా ప్లాన్ చేశాడు అనే కొత్త యూనిక్ పాయింట్ ఇప్పటి వరకు రాలేదు. కథ చాలా డిఫరెంట్ గా ఉంటుంది.యూత్ బ్యాక్ డ్రాప్ లో తెరకెక్కిన ఈ సినిమాలో మా అబ్బాయి హీరోగా నటిస్తున్నాడు. ఈ సినిమాలో సీనియర్ నటులు సుమన్, బెనర్జీ, సత్య ప్రకాష్ ,సూర్య, పల్లె రఘునాథ్ రెడ్డి,జబర్దస్త్ శేషు, గీతా సింగ్, వంటి మంచి నటీనటులు అలాగే మంచి టెక్నిషియన్స్ లభించారు.సినిమా బాగా రావాలని ఎక్కడా కాంప్రమైజ్ కాకుండా ఈ సినిమాను కంప్లీట్ చేశాము. త్వరలో ప్రేక్షకుల ముందుకు వస్తున్న ఈ సినిమా అందరికీ కచ్చితంగా నచ్చుతుంది అన్నారు.

చిత్ర దర్శకుడు శ్రీనివాస్ జి.యల్. బి మాట్లాడుతూ…మా కార్యక్రమానికి ముఖ్య అతిధులుగా వచ్చిన పెద్దలకు ధన్యవాదములు. సీనియర్ రైటర్ ఘటికాచలం గారు ఈ సినిమాకు మంచి మాటలు, పాటలు ,మ్యూజిక్ అందించారు. నేను చెప్పిన మంచి యూనిక్ ఉన్న సబ్జెక్టు నిర్మాత లక్ష్మీ పతి గారికీ నచ్చడంతో ఈ సినిమా చేస్తున్నారు. ఈ సినిమాలో నటించిన ప్రతి ఒక్కరూ మాకు ఫుల్ సపోర్ట్ చేస్తూ చాలా బాగా నటించారు. యూత్ కు సంబంభించిన మూవీ “IQ”. IQ అంటే మేధస్సుకు సంబందించిన చిత్రం. ఈ చిత్రంలో హీరో, హీరోయిన్స్ తో పాటు ఇందులో నటించిన వారంతా చాలా బాగా నటించారు. మంచి కాన్సెప్ట్ తో తీస్తున్న ఈ చిత్రానికి టెక్నిషియన్స్ అందరూ చక్కగా కుదిరారు.త్వరలో ప్రేక్షకులకు ముందుకు వస్తున్న ఈ సినిమాకు మీరందరి సపోర్ట్ కావాలని కోరుతున్నాను అన్నారు.

సంగీత దర్శకుడు పోలూరి ఘటికాచలం మాట్లాడుతూ … అన్ని రంగాల్లో మాఫియా వచ్చింది. విద్యారంగంలో కూడా మాఫియా వస్తే స్టూడెంట్స్ పరిస్థితి ఏంటి అనే కొత్త పాయింట్ ఇప్పటి వరకు రాలేదు. యూత్ బ్యాక్ డ్రాప్ లో తెరకేక్కిస్తున్న ఈ చిత్రం అందరికీ కచ్చితంగా నచ్చుతుంది అన్నారు.

డి ఓ పి సురేందర్ రెడ్డి మాట్లాడుతూ…మంచి ఐక్యూ ఉన్న అమ్మాయిని హీరో ఎలా సేవే చేశాడు అనేది చాలా ఇంట్రెస్ట్ గా ఉంటుంది. ఇది చిన్న సినిమా అయినా మంచి కాన్సెప్ట్ తో వస్తున్న ఈ సినిమా అందరికీ కచ్చితంగా నచ్చుతుంది

చిత్ర హీరో సాయి చరణ్ మాట్లాడుతూ..రెగ్యులర్ స్టోరీ కి భిన్నంగా ఇలాంటి మంచి సినిమాలో నటించే అవకాశం కల్పించిన శ్రీనివాస్ గారికి ధన్యవాదాలు అన్నారు.

నటీ నటులు : సాయి చరణ్, పల్లవి, ట్ర్యాన్సీ,సుమన్, బెనర్జీ, సత్య ప్రకాష్ ,సూర్య,పల్లె రఘునాథ్ రెడ్డి,జబర్దస్త్ శేషు, గీతా సింగ్, లక్ష్మీ రావు, సత్తిపండు, జ్ఞానేశ్వర్ రావు,శీలం శ్రీనివాసరావు,, సీఎం రెడ్డి,,వాసు వర్మ, తదితరులు

సాంకేతిక నిపుణులు
బ్యానర్ : కె. యల్. పి మూవీస్
సమర్పణ :కాయగూరల రాజేశ్వరి
స్క్రీన్ ప్లే,దర్శకత్వం : శ్రీనివాస్ GLB
నిర్మాత : కాయగూరల లక్ష్మీ పతి
కెమెరా : టి. సురేందర్ రెడ్డి
కథ,మాటలు,సంగీతం : పోలూరు ఘటికాచలం
పి ఆర్ ఓ : ఆర్. కె. చౌదరి