Ram – Lakshman: రాజమౌళి గారితో విక్రమార్కుడు, బాహుబలి లాంటి పాన్ ఇండియా సినిమాలకు కూడా పని చేశామని ఫైట్ మాస్టర్స్ రామ్, లక్ష్మణ్ అన్నారు. ఆయన మొదటి సినిమా నుంచి తమకు ఆయన తెలుసునని వారు చెప్పారు. కానీ అమ్మిరాజు గారి మాట ప్రకారం ఏమిటంటే అలాంటి పెద్ద సినిమాను ఒప్పుకుంటే కొన్ని సినిమాలు ఆగిపోతాయని, పది మందికి ఉపయోగపడాల్సిన సమయంలో పెద్ద సినిమాలకు వెళ్లకూడదని తాము కూడా నిర్ణయించుకున్నామని వారు తెలిపారు.
ఇక రాజమౌళి గారు కూడా అడ్జస్ట్ అవటం, బిజీగా ఉన్నాం అని చెప్పడం ఆయనకు నచ్చదు అని వారు అన్నారు. ఈ మధ్యకాలంలో వచ్చిన ఆర్ఆర్ఆర్ కి కూడా తాము ఒక పది రోజులు కంపోజ్ చేశామని వారు చెప్పుకొచ్చారు. తాము కూడా ఆయనతో వర్క్ చేయక చాలా రోజులు అవుతుంది అనుకొని, అలా కొన్ని కంపోజ్ చేశామన్న వారు, కానీ సడన్గా 40 రోజులు షెడ్యూల్ చేంజ్ అయిందని వారు అన్నారు. కొన్ని కారణాల వల్ల ఆ షెడ్యూల్ వల్ల తమకు మ్యాచ్ కాలేదని వారు తెలిపారు.
అందుకే అమ్మిరాజు గారు ఏమంటారంటే ఇలాంటి బిజీ టైంలో అలాంటి పెద్ద పెద్ద సినిమాలు చేయడం చాలా కష్టమవుతుందని, అదే వేరే సినిమాలు అయితే ఓ నాలుగు సినిమాలైనా అవుతాయి కదా అని ఆయన ఉద్దేశం అని వారు అన్నారు. తమ మేనేజర్ డైరెక్షన్లోనే తాము వెళ్తామని, కానీ తాము తమ సొంత డైరెక్షన్లో వెళ్లే అవకాశం లేదని వారు చెప్పారు. ఇంకోటేంటంటే రాజమౌళి గారి సినిమాలో చేసిన ఏ ఫైట్ మాస్టర్కీ అంత పేరు రాదన్న రామ్, లక్ష్మణ్, ఎందుకంటే ఆయన ఎఫెక్ట్ దానిపై 70% ఉంటుందని, ఆయనకు అన్నీ తెలుసునని వారు వివరించారు. కాబట్టి ఆ ఫైట్ మాస్టర్ కంటే ఆ క్రెడిట్లో ఎక్కువ భాగం ఆయనకే వెళ్తుందని తమ అభిప్రాయం అని వారు చెప్పారు.