అక్కినేని బ్రదర్స్ తో వరసగా రెండు సినిమాలు చేసిన నిధి అగర్వాల్ టాలీవుడ్ లో హీరోయిన్ గా మంచి గుర్తింపు పొందింది. ఆ తర్వాత డేరింగ్ అండ్ డాషింగ్ డైరెక్టర్ పూరి జగన్నాధ్ – రామ్ పోతినేని కాంబినేషన్ లో వచ్చిన మాస్ బ్లాక్ బస్టర్ ఇస్మార్ట్ శంకర్ సినిమాతో స్టార్ హీరోయిన్ గా పాపులారిటీని సంపాదించుకుంది. ఈ సినిమా తో నిధి కి తెలుగులోనే కాకుండా తమిళంలో కూడా అవకాశాలు వస్తున్నాయి.
ఇప్పటికే తెలుగులో గల్లా అశోక్ డెబ్యూ సినిమాలో నిధీ అగర్వాల్ హీరోయిన్ గా నటిస్తుంది. ఈ సినిమాలో హైయ్యెస్ట్ రెమ్యూనరేషన్ కూడా ఇస్తున్నట్టు చెప్పుకుంటున్నారు. అయితే ఈ సినిమా ఆగిపోయిందన్న వార్తలు వస్తున్నాయి. ఇందులో మేకర్స్ ఇంకా క్లారిటీ ఇవ్వలేదు. కాగా మాస్ మహారాజ రవితేజ తో ఒక సినిమా చేస్తున్నట్టు సమాచారం. అలాగే ఒక మెగా హీరో సినిమాలో కూడా నిధీ పేరును పరిశీలిస్తున్నారట.
ఇక తమిళంలో కూడా నిధీ భూమి అన్న సినిమా చేస్తోంది. ఇటీవలే ఈ సినిమా టీజర్ కూడా రిలీజైంది. జయం రవి తన 25 వ సినిమాలో నిధి కి అవకాశం ఇచ్చాడు. ఈ సినిమాకి రోమియో జూలియెట్, భోగన్ సినిమాల దర్శకుడు ఆర్ లక్ష్మణ్ దర్శకత్వం వహిస్తున్నాడు. ఇలా సినిమాలతో బిజీగా ఉన్న నిధి ని కొందరు తప్పుడు వార్తలు సృష్ఠించి ఇరికించారని ఫీలయింది. టాలీవుడ్ స్టార్ హీరో డేటింగ్ లో ఉన్నట్టు వార్తలు వచ్చాయి. ఇలాంటి వార్తలు గతంలోను నిధీ మీద వస్తే వెంటనే క్లారిటీ ఇచ్చింది. ఇప్పుడు కూడా ఇలా వార్త సోషల్ మీడియాలో వైరల్ అయిందో లేదో వెంటనే ఆ ఫేక్ న్యూస్ కి చెక్ పెట్టింది నిధీ.