మాస్ కా దాస్ విశ్వక్ సేన్‌తో కలిసి నటించేందుకు నందమూరి నట సింహం బాలయ్య గ్రీన్ సిగ్నల్ ఇచ్చేశారనీ తెలుస్తోంది. ఇటీవల విశ్వక్‌సేన్‌ నటించిన ‘దాస్ కా ధమ్కీ’ సినిమాకి బాలయ్య బాగా సపోర్ట్ చేశారు.
ఈ నేపథ్యంలోనే తనను బాలయ్యకి అభిమానిగా అభివర్ణించుకున్నాడు విశ్వక్ సేన్. బాలయ్య ఒప్పుకుంటే, ఆయనను డైరెక్ట్ చేయడానికి రెడీగా వున్నానని చెప్పాడు. అయితే, డైరెక్షన్ కాదు కానీ, విశ్వక్ సేన్ నటిస్తున్న ఓ సినిమాలో బాలయ్య గెస్ట్ రోల్ చేయడానికి గ్రీన్ సిగ్నల్ ఇచ్చాడట. ఓ ఇంపార్టెంట్ రోల్‌లో బాలయ్య కనిపించబోతున్నాడట. ఓ యంగ్ డైరెక్టర్ ఈ సినిమాని డైరెక్ట్ చేయబోతున్నాడనీ సమాచారం.
విశ్వక్ సేన్ నటించిన ‘దాస్ కా ధమ్కీ’ సినిమా ఇటీవలే ప్రేక్షకుల ముందుకొచ్చిన సంగతి తెలిసిందే. ఈ సినిమాని బాలయ్యతో పాటూ, యంగ్ టైగర్ ఎన్టీయార్ కూడా తనదైన సపోర్ట్ అందించారు. బాలయ్య అన్నా, ఎన్టీయార్ అన్నా తనకు చాలా చాలా ఇష్టమని విశ్వక్ సేన్ ఈ సందర్భంగా పదే పదే చెప్పుకున్నాడు.
మొత్తానికి బాలయ్యను తన సినిమాలో నటించేందుకు ఒప్పించేసుకున్నాడన్న మాట. అయితే, ఈ ప్రచారంలో నిజమెంతో తెలియాల్సి వుంది.