చిన్న విషయానికే పెద్ద పెనాల్టీ చెల్లించాల్సి వస్తే.? ‘విరూపాక్ష’ నిర్మాత ఎదుర్కొన్న వింత పరిస్థితి ఇదట.! అలాగని, చెవులు కొరుక్కుంటున్నారు సినీ పరిశ్రమలో. సాయి ధరమ్ తేజ్ హీరోగా తెరకెక్కిన ‘విరూపాక్ష’ సినిమా విడుదలకు సిద్ధమైంది. మలయాళ బ్యూటీ సంయుక్త మీనన్ ఈ సినిమాలో హీరోయిన్. అంతకు ముందు ఆమె ‘భీమ్లానాయక్’, ‘బింబిసార’, ‘సర్’ సినిమాల్లో నటించింది.ఓ మోస్తరు స్టార్‌డమ్ వుంది సంయుక్తకి.
ఉగాదినాడు సినిమా పోస్టర్ ఒకటి విడుదల చేస్తే, అందులో హీరోయిన్ లేదు. మాట ఇచ్చి, నిలబెట్టుకోలేదంటూ సంయుక్త గుస్సా అయ్యింది. ఆ తర్వాత ఓ పాట విడుదల చేశారు.. సంయుక్త ఫొటోతో కూడిన పోస్టర్‌తో. ఈ క్రమంలో తెరవెనుకాల చాలా కథ నడిచిందట. సినిమా ప్రమోషన్లకు ససేమిరా అనేసిందట సంయుక్త. దాంతో, ఆమెకు ‘ఫైన్’ చెల్లించి.. అంటే, అదనంగా రెమ్యునరేషన్ చెల్లించి, ఆమెను కూల్ చేశారట నిర్మాతలు. అద్గదీ అసలు సంగతి.