టాలీవుడ్ సినిమా దగ్గర మళ్ళీ సరైన బాక్సాఫీస్ హిట్ కోసం చూస్తున్న తరుణంలో వచ్చిన చిత్రం “దసరా”. నాచురల్ స్టార్ నాని నటించిన ఈ సినిమా తన కెరీర్ లోనే రికార్డు ఓపెనింగ్ గా నిలిచింది. కానీ తర్వాత బాగా డ్రాప్ ని చూసింది. కానీ దీన్ని తర్వాత వచ్చిన “విరూపాక్ష” మాత్రం మంచి ప్రామిసింగ్ రన్ ని కనబరిచేలా ఉందని ఇప్పుడు ట్రేడ్ సర్కిల్స్ లో స్ట్రాంగ్ టాక్ వినిపిస్తుంది.
దసరా తో పోలిస్తే అంత హైప్ ఈ సినిమాకి లేదు. అయినా కూడా సినిమాకి మంచి టాక్ ఉండడంతో అనూహ్యంగా సాయి ధరమ్ తేజ్ సినిమాకి మాట్ని నుంచి సాలిడ్ పికప్ రెండు తెలుగు రాష్ట్రాల్లో అందుకుంది. దీనితో మొదటి రోజు ఈ సినిమాకి గట్టి ఓపెనింగ్స్ దక్కినట్టుగా ట్రేడ్ వర్గాలు కన్ఫర్మ్ చేస్తున్నాయి.
కాగా రెండు తెలుగు రాష్ట్రాల్లో అయితే “విరూపాక్ష” నైజాంలోనే 1.80 కోట్లకి పైగా షేర్ ని రాబట్టగా ఏపీలో అయితే 2.9 కోట్ల మేర షేర్ ని రాబట్టినట్టుగా తెలుస్తుంది. దీనితో మొదటి రోజు ఏపీ తెలంగాణాలో ఈ చిత్రం 4.8 కోట్లకి పైగా షేర్ ని రాబట్టినట్టుగా తెలుస్తుంది. దీనితో ఇది సాయి ధరమ్ తేజ్ కెరీర్ లో మరో సెన్సేషనల్ ఓపెనింగ్ గా నిలిచింది అని చెప్పాలి.
అంతే కాకుండా యూఎస్ లో మార్కెట్ లో కూడా ఈ చిత్రం మొదటి రోజుకి 2 లక్షల యూఎస్ డాలర్స్ మార్క్ ని క్రాస్ చేసింది. కాగా ఈ సినిమాలో సంయుక్త మీనన్ హీరోయిన్ గా నటించగా కొత్త దర్శకుడు కార్తీక్ దండు ఈ సినిమాకి వర్క్ చేశారు. అలాగే కాంతారా ఫేమ్ సంగీత దర్శకుడు అజనీష్ సంగీతం అందించాడు.