Vijay Deverakonda: సోషల్‌ మీడియా, ఓటీటీలు వచ్చిన అనంతరం సినిమాలలోని పాటలే కాకుండా ప్రైవేట్‌ ఆల్బమ్స్‌, సాంగ్స్‌ మంచి రెస్పాన్స్‌ తెచ్చుకుంటున్న విషయం తెలిసిందే. అలా సూపర్‌ హిట్‌ అయిన సాంగ్స్‌లో హీరియే కూడా ఒకటి. మలయాళం నటుడు దుల్కర్‌ సల్మాన్‌, జాస్లీన్‌ రాయల్‌ జంటగా నటించిన ఈ పాట యూట్యూబ్‌తో పాటు అన్ని మ్యూజిక్‌ యాప్స్‌లో ఛార్ట్‌ బస్టర్‌గా నిలిచింది.
అయితే హీరియే పాటతో క్రేజ్‌ తెచ్చుకున్న జాస్లీన్‌ రాయల్‌ తాజాగా విజయ్‌ దేవరకొండతో కూడా ఒక ప్రైవేట్‌ ఆల్బమ్‌ చేయబోతున్నట్లు తెలుస్తుంది. రీసెంట్‌గా విజయ్‌ దేవరకొండ, దుల్కర్‌ సల్మాన్‌, జాస్లీన్‌ రాయల్‌ కలిసి దిగిన ఫొటో ఒకటి సోషల్‌ మీడియాలో వైరల్‌గా మారింది. ఈ ఫొటో బయటికి వచ్చాకనే విజయ్‌ ఒక ప్రైవేట్‌ ఆల్బమ్‌ చేయబోతున్నట్లు వార్తలు వస్తున్నాయి. కాగా.. దీనికి సంబంధించి అధికారిక అప్‌డేట్‌ కూడా త్వరలోనే రానున్నట్లు తెలుస్తుంది.
