Actor Sunil: టాలీవుడ్ ఇండస్ట్రీలోకి కమెడియన్ గా ఎంట్రీ ఇచ్చి అతి తక్కువ సమయంలోనే స్టార్ కమెడియన్ గా ఇండస్ట్రీలో గుర్తింపు సంపాదించుకోవడమే కాకుండా హీరోగా కూడా తన టాలెంట్ ఏంటో నిరూపించుకున్నారు కమెడియన్ సునీల్. ఇలా హీరోగా పలు సినిమాలలో నటించిన ప్రస్తుతం సునీల్ తిరిగి సినిమాలలో కీలక పాత్రలో నటిస్తున్నారు.ఇలా వరుస సినిమాలతో ఎంతో బిజీగా ఉన్న సునీల్ తాజాగా పవన్ కళ్యాణ్ నటించిన భీమ్లా నాయక్ సినిమాలో కూడా నటించారు. అయితే ఈ సినిమాలో కేవలం టైటిల్ సాంగ్ లో సునీల్ హైపర్ ఆది ఇలాంటి వారు అలా తళుక్కుమని వెళ్ళిపోతారు.
ఈ విధంగా తరువాత సినిమా మొత్తంలో ఎక్కడ సునీల్ కనిపించరు.అయితే పవన్ కళ్యాణ్ తో కలిసి సునీల్ కి కొన్ని సన్నివేశాలను చిత్రీకరించారని అయితే ఆ సన్నివేశాలను సినిమా నుంచి తొలగించారని తెలుస్తోంది. కేవలం సినిమా రన్ టైం కారణంగా వీరందరి సన్నివేశాలను ఎడిట్ చేసినట్టు తెలుస్తుంది. అయితే పవన్ కళ్యాణ్ సినిమాలో సునీల్ పాత్ర చాలా చిన్నదిగా చూపించడంతో సునీల్ అభిమానులు ఆగ్రహం వ్యక్తం చేస్తున్నారు.ఈ క్రమంలోనే త్రివిక్రమ్ శ్రీనివాస్ సునీల్ కు మంచి స్నేహితుడు అయినప్పటికీ తన పాత్ర పట్ల ఇలా వ్యవహరించడం ఏమాత్రం బాగలేదని త్రివిక్రమ్ సునీల్ కి అన్యాయం చేశారంటూ ఆరోపిస్తున్నారు.
అయితే పవన్ కళ్యాణ్ సునీల్ మధ్య జరిగిన సన్నివేశాలు మాత్రమే కాకుండా, పవన్ కళ్యాణ్ ఖైదీలకు బాగా క్లాస్ పీకిన సన్నివేశాలను కూడా ఎడిట్ చేసినట్టు తెలుస్తోంది. అయితే ఈ సన్నివేశాలన్నీ కేవలం రన్ టైం అధికంగా ఉండటం కారణంగానే డిలీట్ చేశారని సమాచారం.ఆ సన్నివేశాలను డిలీట్ చేయటం వల్లే సినిమా అద్భుతంగా వచ్చిందని నిర్వాహకులు వారిని వారే సమర్థించుకుంటున్నారు.అయితే త్వరలోనే డిలీట్ సన్నివేశాలన్నింటిని ఒకసారి విడుదల చేయనున్నట్లు తెలుస్తుంది. మరి ఈ వీడియోలో మనకు ఎలాంటి సన్నివేశాలను డిలీట్ చేశారనే విషయం తెలియాల్సి ఉంది.ఇక ఈ సినిమా డిజిటల్ ప్లాట్ ఫామ్ లో విడుదలైనప్పుడు ఈ సన్నివేశాలు యాడ్ చేసి విడుదల చేస్తారని సమాచారం.