బిగ్బాస్ హంగామా స్టార్ట్ కాబోతోంది అతి త్వరలోనే. సెప్టెంబర్‌లో బిగ్బాస్ ఏడో సీజన్‌కి శ్రీకారం చుట్టబోతున్నారు స్టార్ మా నుంచి బిగ్బాస్ టీమ్. తిట్టుకున్నా.. ఛీ కొట్టినా సరే, బిగ్‌బాస్‌కి అడిక్ట్ అయిపోయే ఆడియన్స్‌లో ఈ సారి సీజన్‌పై తీవ్రమైన అసహనం నెలకొంది.
ముఖ్యంగా హోస్ట్ నాగార్జునని ఆడియన్స్ అస్సలు స్వాగతించలేకపోతున్నారు. మొదటి రెండు సీజన్లను ఎన్టీయార్, నాని సమర్ధవంతంగా నడిపించారు. ఆ రెండు సీజన్లకూ మంచి ఆదరణ కూడా దక్కింది.
బిగ్బాస్ గేమ్‌ షోకి తెలుగులో మంచి బజ్ క్రియేట్ అవ్వడానికి సాయపడిందది. అయితే, నాగార్జునకు మొదట్నుంచీ నెగిటివిటీనే వెంటాడుతోంది. సీజన్లు నడిచే కొద్దీ ఆ నెగిటివిటీ పెరుగుతూ వచ్చింది. ఇక ఇప్పుడు పీక్స్‌కి చేరుకుంది.
అస్సలు నాగార్జున వద్దంటే వద్దంటున్నారు. ఆ నెగిటివిటీని తట్టుకుని నాగార్జున ఎలా నిలబడతాడో ఏమో కానీ, తాజా పరిణామాల నేపథ్యంలో బిగ్బాస్ టీమ్ ఓ నిర్ణయానికి వచ్చిందట.
వీకెండ్‌ శని ఆదివారాల్లో మాత్రమే కనిపించే నాగార్జున.. ఇక నుంచి వారాంతంలో కేవలం ఒక్కరోజే కనిపించబోతున్నాడనీ ప్రచారం జరుగుతోంది. మరో రోజు (ఎలిమినేషన్ డే)ని గెస్ట్ హోస్ట్‌తో రన్ చేయాలనుకుంటున్నారట. ఆ లిస్టులో రానా పేరుతో పాటూ, మరో యంగ్ హీరో పేరు కూడా వినిపిస్తోంది. చూడాలి మరి, ఈ గాసిప్‌లో నిజమెంతో.!