డార్లింగ్ ప్రభాస్ జిల్ ఫేం రాధాకృష్ణ కుమార్ దర్శకత్వంలో ‘రాధే శ్యామ్’ చేస్తున్నాడు. పాన్ ఇండియా సినిమాగా భారీ బడ్జెట్ తో రూపొందుతుంది. కృష్ణంరాజు సమర్పణలో గోపీకృష్ణ మూవీస్, యువి క్రియోషన్స్ బ్యానర్స్ ఈ సినిమాని సంయుక్తంగా నిర్మిస్తున్నాయి. ప్రభాస్ కి జంటగా పూజా హెగ్డే నటిస్తుండగా సీనియర్ బాలీవుడ్ నటి భాగ్యశ్రీ ముఖ్య పాత్ర పోషిస్తుంది. ఈ సినిమా తెలుగు తమిళ హిందీ మలయాళ కన్నడ భాషల్లో రిలీజ్ కానుంది. తెలుగు తమిళ మలయాళ కన్నడ వెర్షన్స్ కి జస్టిన్ ప్రభాకర్ సంగీతం అందిస్తున్నారు.
కాగా పీరియాడికల్ లవ్ స్టోరీగా రూపొందుతున్న ఈ సినిమా ఫస్ట్ లుక్ తో పాటు మోషన్ టీజర్ సినిమాపై భారీగా అంచనాలు పెంచాయి. ఇక కరోనా కారణంగా కొద్ది మంది యూనిట్ సభ్యులతో ఇటీవలే ఇటలీలో షెడ్యూల్ పూర్తి చేసుకొని చిత్ర యూనిట్ ఇండియాకి తిరిగొచ్చారు. ఈ షెడ్యూల్ లో ప్రభాస్ – పూజా హెగ్డే మీద కీలక సన్నివేశాలని తెరకెక్కించారు. ఇక దాదాపు టాకీ పార్ట్ కంప్లీటయిన ఈ సినిమా నెక్స్ట్ షెడ్యూల్ హైదరాబాద్ లో ప్రారంభం కానుంది. ఇందుకోసం భారీ సెట్స్ నిర్మించారట.
అయితే ఈ సెట్ కి ఖర్చు చేసిన బడ్జెట్ ఇప్పుడు ఇండస్ట్రీ వర్గాలలో హాట్ టాపిక్ గా మారింది. ఈ సెట్ కోసం దాదాపు 30 కోట్లు ఖర్చు పెట్టారట. ఈ సెట్ లో సినిమా క్లైమాక్స్ ని చిత్రీకరించనున్నట్టు సమాచారం. అంతేకాదు ఈ క్లైమాక్స్ సినిమాకి చాలా ప్రాధాన్యం అని అందుకే అంత భారీ వ్యవయంతో సెట్ నిర్మించారని అంటున్నారు. ఇక్కడ జరిగే షూటింగ్ తో ‘రాధే శ్యామ్’ దాదాపు పూర్తవుతుందని తెలుస్తుంది. కాగా 2021 సమ్మర్ లో రిలీజ్ చేసే అవకాశాలున్నాయని అంటున్నారు.