పవన్ కళ్యాణ్ నుంచి రాబోతున్న OG సినిమాపై క్రేజ్ రోజురోజుకూ పెరుగుతోంది. దర్శకుడు సుజీత్ రూపొందిస్తున్న ఈ మాస్ గ్యాంగ్‌స్టర్ డ్రామాలో పవన్ మాఫియా బ్యాక్‌డ్రాప్‌లో కనిపించబోతుండగా, ఇప్పటికే విడుదలైన టీజర్, గ్లింప్స్, బీజీం సినిమాపై అంచనాలను రెట్టింపు చేశాయి. తాజాగా ఓ మాస్ సీన్ గురించి ఫిల్మ్ సర్కిల్స్ లో చర్చ నడుస్తోంది. రెండు గ్యాంగ్‌ల మధ్య జరుగనున్న ఓ డెడ్‌లీ ఫేసాఫ్‌కి మధ్యలో OG ఎంట్రీ ఇవ్వబోతాడట. అది అభిమానుల గుండెల్లో భయంకరమైన మాస్ హైను తీసుకొచ్చేలా ఉంటుందట!
ఈ సీన్ పిక్చరైజేషన్‌ గురించే సోషల్ మీడియాలో ఊహాగానాలు మొదలయ్యాయి. పవన్ ఎంట్రీకి ముందు స్లో మోషన్‌ షాట్స్‌, డార్క్ ఫిల్టర్లు, థమన్ టెంపో పెంచే బ్యాక్‌గ్రౌండ్ స్కోర్‌, OG వాక్‌, పంచ్ డైలాగ్.. అన్నీ కలిపి థియేటర్లో ఉర్రూతలూగే వాతావరణాన్ని తలపెట్టనున్నాయట. యూనిట్ వర్గాలంటున్నది ఏమిటంటే, “ఆ సీన్ ఎంత ఊహించుకున్నా.. స్క్రీన్ మీద చూసిన తర్వాత అది అంతకంటే రెట్టింపు పవర్‌ఫుల్‌గా అనిపిస్తుంది.” ఫ్యాన్స్ అయితే ఇదే OG సినిమాకు హైలైట్ అవుతుందంటూ సోషల్ మీడియా వేదికగా పోస్టులు పెడుతున్నారు.
ఈ భారీ ఎంట్రీ సీన్ OGకి ‘కల్ట్’ మాస్ బ్రాండ్ ఇమేజ్‌ను పెంచబోతోందని అంచనా. ప్రస్తుతం షూటింగ్ చివరి దశలో ఉన్న ఈ సినిమాను అన్ని ప్రధాన భాషల్లో రిలీజ్ చేయాలని మేకర్స్‌ ప్లాన్ చేస్తున్నారు. OG ఒకవైపు పవన్ మాస్ ఇమేజ్‌ను ఎలివేట్ చేస్తూనే.. మరోవైపు సుజీత్ స్టైల్‌ టేకింగ్‌తో ఫ్రెష్ ఫీల్‌ను ఇస్తుందని చెప్పొచ్చు. ఫ్యాన్స్ ఊహిస్తున్న ఈ సీన్ థియేటర్లను కంపించబోతోందా? అన్నదాని సమాధానం సినిమాతోనే తెలిసే అవకాశం ఉంది.
