RRR: టాలీవుడ్ స్టార్ డైరెక్టర్ ఎస్ఎస్ రాజమౌళి దర్శకత్వంలో జూనియర్ ఎన్టీఆర్, రామ్ చరణ్ కలిసి నటించిన తాజా చిత్రం ఆర్ఆర్ఆర్. ఈ సినిమా ఎప్పుడు ఎప్పుడు విడుదల అవుతుందా అని ప్రపంచవ్యాప్తంగా ఉన్న సినీ ప్రేక్షకులు ఎదురుచూస్తున్నారు. ఇక ఈ సినిమా ప్రపంచ వ్యాప్తంగా మార్చి 25న థియేటర్లలో గ్రాండ్ గా విడుదల కానున్న విషయం అందరికి తెలిసిందే. ఇప్పటికే ఈ సినిమాపై భారీగా అంచనాలు నెలకొన్నాయి.ఈ సినిమా కోసం చెర్రీ తారక్ అభిమానులు కళ్లు కాయలు కాచే విధంగా ఎదురు చూస్తున్నారు. ఇక ఇప్పటికే అభిమానులు భారీగా కటౌట్లను ఏర్పాటు చేసుకున్నారు.
ఇది ఇలా ఉంటే ఈ సినిమా విడుదల తేది దగ్గర పడుతుండటంతో చిత్రబృందం ప్రమోషన్స్ ను వేగవంతం చేసింది. ఇక ప్రమోషన్స్ లో భాగంగా దర్శకుడు రాజమౌళి ఎన్టీఆర్, రామ్ చరణ్ కలసి దుబాయ్ ఎక్స్ పోలో సందడి చేశారు. అక్కడ ఏర్పాటు చేసిన విలేకర్ల సమావేశంలో ఈ ముగ్గురు కలిసి ఆనందంగా పలు ఆసక్తికర విషయాలను వెల్లడించారు. ఈ సందర్భంగా జూనియర్ ఎన్టీఆర్ మాట్లాడుతూ.. ప్రపంచానికి తెలియకుండా నేను రామ్ చరణ్ చాలా నిశ్శబ్దంగా సంతోషంగా స్నేహితులుగా ఉండేవాళ్ళం. కానీ దర్శకుడు రాజమౌళి వల్లే మా ఇద్దరి మధ్య స్నేహం బయటపడింది. మా స్నేహం వ్యక్తులుగా మరింత ఉన్నతంగా ఎదగడానికి దోహదం చేసింది అని తెలిపాడు ఎన్టీఆర్.
ఆ తర్వాత చరణ్ మాట్లాడుతూ పని రాక్షసుడు అయిన రాజమౌళి తో పని చేయడానికి నేను ఆస్వాదిస్తూ ఉంటాను.. ఒత్తిడి లో పనిచేసే సమయంలో కొన్ని ప్రయోజనాలు కూడా కలుగుతూ ఉంటాయి అని తెలిపారు. అనంతరం తారక్ మాట్లాడుతూ రాజమౌళితో చదువు నాకు మేలే చేసింది.. ఎందుకంటే రాజమౌళి నటుడిగా నాకు ఎంతో ప్రోత్సాహాన్ని అందించారు అని చెప్పుకొచ్చాడు తారక్. అనంతరం రాజమౌళి మాట్లాడుతూ ఈ సినిమా కోసం మిలియన్ డాలర్లు ఖర్చు పెట్టి చేయాల్సిన కొన్ని సన్నివేశాలను మనదైన సాంకేతికతతో పరిమిత వ్యయంతోనే రూపొందించాము అని చెప్పుకొచ్చారు.