ఎన్నో షార్ట్ ఫిలిమ్స్ ద్వారా ఎంతో మంచి గుర్తింపు సంపాదించుకొని అనంతరం విజయ్ దేవరకొండ హీరోగా తెరకెక్కిన పెళ్లిచూపులు సినిమా ద్వారా తెలుగు తెరకు దర్శకుడిగా పరిచయమయ్యారు డైరెక్టర్ తరుణ్ భాస్కర్.మంచి విజయాన్ని అందుకొని ఆ తర్వాత పలు సినిమాలకు దర్శకత్వం వహిస్తూ ఎంతో మంచి గుర్తింపు పొందారు. ఇండస్ట్రీలో దర్శకుడిగా మంచి పేరు పొందిన తరుణ్ భాస్కర్ తాజాగా ఆలీతో సరదాగా కార్యక్రమానికి హాజరయ్యారు.
ఈ కార్యక్రమంలో భాగంగా అదితో కలిసి ఎన్నో ఆసక్తికరమైన విషయాల గురించి పంచుకున్నారు. తనకు వరుస ఫ్లాప్స్ వస్తే తప్పకుండా విజయ్ దేవరకొండతో సినిమా చేస్తానని, విజయ్ దేవరకొండ వైల్డ్‌కార్డ్‌లాంటి వాడని ఈ సందర్భంగా తరుణ్ భాస్కర్ వెల్లడించారు. అలాగే విజయ్ దేవరకొండ మాదిరిగా మిమిక్రీ చేస్తూ సందడి చేశారు. అదే విధంగా తన కెరియర్ ప్రస్తుతం ఎంతో అద్భుతంగా ఉందని అయితే బాలీవుడ్ స్టార్ హీరో సల్మాన్ ఖాన్ తనకు ఆఫర్ ఇవ్వగా రిజెక్ట్ చేసినట్లు ఈ సందర్భంగా తరుణ్ భాస్కర్ వెల్లడించారు.
తరుణ్ భాస్కర్ సల్మాన్ ఖాన్ ఆఫర్ ఎందుకు వదులుకున్నారు తెలియాలంటే పూర్తి ఎపిసోడ్ ప్రసారమయ్యే వరకు వేచి చూడాలి.ఇక తన కాలేజీ రోజులను గుర్తు చేసుకుంటూ తాను ఎప్పుడు సప్లిమెంటరీ ఫీజు కడుతూ ఉండేవాడిని ఆ సప్లిమెంటరీ ఫీజుతో ఒక బిల్డింగ్ కట్టవచ్చని ఈ సందర్భంగా తరుణ్ భాస్కర్ ఎంతో సరదాగా తన కాలేజీ రోజులను గుర్తు చేసుకున్నారు. ఇలా వీరిద్దరి మధ్య ఎంతో సరదా సన్నివేశాలు సాగాయి. ప్రస్తుతం ఈ కార్యక్రమానికి సంబంధించిన ప్రోమో వైరల్ గా మారింది.