Kubera: కోలీవుడ్ స్టార్ ధనుష్, టాలీవుడ్ కింగ్ నాగార్జున, నేషనల్ క్రష్ రష్మిక మందన్న కాంబినేషన్‌లో వస్తున్న కుబేర సినిమా మీద అంచనాలు భారీగానే ఉన్నాయి. నేషనల్ అవార్డు విన్నర్ శేఖర్ కమ్ముల దర్శకత్వంలో రూపొందుతున్న ఈ పాన్ ఇండియా ప్రాజెక్టు, తప్పకుండా బాక్సాఫీస్ వద్ద సెన్సేషన్ క్రియేట్ చేస్తుందని మేకర్స్ నమ్మకంతో ఉన్నారు. ఫ్యామిలీ డ్రామాలతో ఆకట్టుకున్న శేఖర్ కమ్ముల, ఈసారి పూర్తిగా డిఫరెంట్ జానర్‌తో తెరపైకి వస్తున్నారు.
ఈ సినిమాలో ధనుష్ ఎన్నడూ చేయని పాత్రలో కనిపించబోతున్నాడు. అతని పాత్రకు సంబంధించిన ఫస్ట్ లుక్ పోస్టర్లు బయటకు రాగా, బిచ్చగాడి క్యారెక్టర్‌కు ధనుష్ పూర్తిగా మెటామార్ఫసిస్ అయ్యారని స్పష్టమైంది. మరోవైపు నాగార్జున ఈడీ అధికారిగా కీలక పాత్ర పోషిస్తున్నట్లు సమాచారం. కథలో సంపద, నైతికత, ఆశయాల మధ్య నడిచే సంఘర్షణ ప్రధాన అంశమని టాలీవుడ్ వర్గాలు అంటున్నాయి.
రష్మిక మందన్న ఈ సినిమాలో మెయిన్ హీరోయిన్ పాత్రలో కనిపించనుంది. అలాగే బాలీవుడ్ నటుడు జిమ్ సర్బ్ విలన్‌గా కనిపించనుండగా, దేవి శ్రీ ప్రసాద్ సంగీతం అందిస్తున్నారు. కుబేర షూటింగ్ ప్రస్తుతం చివరి దశకు చేరుకుంది. టాకీ పార్ట్ ముగిసిపోయి, కొన్ని సాంగ్స్ మాత్రమే పెండింగ్‌లో ఉన్నాయని యూనిట్ చెబుతోంది. మొదట ఈ సినిమాను 2024 దీపావళికి విడుదల చేయాలని మేకర్స్ అనుకున్నారు. కానీ, షూటింగ్ షెడ్యూల్స్ కారణంగా ఇప్పుడు 2025 ఫిబ్రవరిలో ప్రేక్షకుల ముందుకు రానున్నట్లు తెలుస్తోంది.
ఆడియన్స్ అంచనాలకు తగ్గట్టుగా సినిమా పరిపూర్ణంగా ఉంటుందని, కచ్చితంగా ఇది పెద్ద సక్సెస్ సాధిస్తుందని మేకర్స్ నమ్మకం వ్యక్తం చేస్తున్నారు. ఈ పాన్ ఇండియా సినిమాకు మొదట రూ.90 కోట్ల బడ్జెట్ నిర్ణయించినప్పటికీ, చిత్రీకరణ కొనసాగుతున్న కొద్దీ ఖర్చులు రూ.120 కోట్ల వరకు పెరిగినట్లు సమాచారం. కానీ, నిర్మాతలు ఈ ప్రాజెక్టుపై నమ్మకంతో ఎంత ఖర్చైనా భరించడానికి సిద్ధంగా ఉన్నారని తెలుస్తోంది. సునీల్ నారంగ్, పుస్కుర్ రామ్ మోహన్ రావు సంయుక్తంగా నిర్మిస్తున్న ఈ చిత్రాన్ని ప్రేక్షకులు ఎంతో ఆసక్తిగా ఎదురుచూస్తున్నారు. మరి కుబేర బాక్సాఫీస్‌ను ఎలా కుదిపేస్తుందో చూడాలి.
