సంపత్‌ నంది కాంపౌండ్‌ నుంచి వస్తోన్న తాజా చిత్రం ఓదెల 2 . మిల్కీ బ్యూటీ తమన్నా ప్రధాన పాత్రలో నటిస్తోంది. అశోక్‌ తేజ డైరెక్ట్‌ చేస్తున్న ఈ మూవీ నుంచి ఇప్పటికే మేకర్స్‌ మహాశివరాత్రి పర్వదినాన్ని పురస్కరించుకొని ఓం నమ: శివాయ.. అంటూ తమన్నా శివశక్తి లుక్‌ షేర్‌ చేయగా నెట్టింట వైరల్‌ అవుతోంది. ఈ చిత్రంలో తమన్నా మహదేవ్‌కు పరమభక్తురాలిగా, ఓదెల సద్గుణ రక్షకురాలిగా కనిపించనుందని తెలియజేశారు. ఓదెల ప్రపంచం నుండి శివశక్తికి సంబంధించిన ఎక్జయిటింగ్‌ న్యూస్‌ రాబోతుందని ప్రకటించారని తెలిసిందే.
తాజాగా తమన్నా శివశక్తి రూపంలోకి ఎలా మారిందని తెలియజేస్తూ..మేకింగ్‌ వీడియోను రిలీజ్‌ చేశారు మేకర్స్‌. ఈ వీడియో నెట్టింట వైరల్‌ అవుతూ.. సినిమాపై సూపర్‌ హైప్‌ క్రియేట్‌ చేస్తోంది. ఓదెల 2 సెకండ్‌ షెడ్యూల్‌ షూట్‌ మొదలైంది. ఓదెల 2 చిత్రంలో వశిష్ఠ ఎన్‌ సింహా, హరిప్రియ ఇతర ప్రధాన పాత్రలు పోషిస్తున్నారు.
ఈ చిత్రాన్ని సంపత్‌ నంది టీమ్‌ వర్క్స్‌ బ్యానర్‌, మధు క్రియేషన్స్‌పై తెరకెక్కిస్తున్నారు. కాంతార చిత్రానికి గూస్‌బంప్స్‌ తెప్పించే మ్యూజిక్‌, బ్యాక్‌ గ్రౌండ్‌ స్కోర్‌ సమకూర్చిన అజనీష్‌ లోక్‌నాథ్‌ ఈ మూవీకి సంగీతం అందిస్తుండటంతో అంచనాలు భారీగా నెలకొన్నాయి. ఓదెల 2 షూటింగ్‌ను ప్రముఖ ఆధ్యాత్మిక పుణ్యక్షేత్రం కాశీలో మొదలుపెట్టారని తెలిసిందే. ఈ ఫొటోలు ఇప్పటికే ఆన్‌లైన్‌లో హల్‌ చల్‌ చేస్తున్నాయి.