సినీ ఇండస్ట్రీలో ఎంతటి ప్రతిభావంతులకైనా సరే ఆవగింజంత అదృష్టం ఉండాలంటారు. ఈ మాట ఎస్.ఎస్. తమన్ కి పర్ఫెక్ట్ గా సూట్ అవుతుంది. ప్రజంట్ తమన్ చేతిలో బోల్డెన్నీ ప్రాజెక్ట్ తో ఫుల్ జోష్ మీద ఉన్నారు. మాస్ మహరాజ్ రవితేజ నటించిన కిక్ సినిమాతో సంగీత ప్రపంచంలోకి ఓ సరికొత్త సరాగాలను అందించిన తమన్.. చాలా తక్కవ టైమ్ లోనే ఎంతో పేరు సంపాదించుకున్నారు. సినిమాకి బ్యాగ్రౌండ్ స్టోర్ కొట్టాలంటే అది తమన్ కి మాత్రమే సాధ్యమనేలా పేరు తెచ్చుకున్నారు. 2020 సంక్రాంతి బిగ్గెస్ట్ బ్లాక్ బస్టర్ అల వైకుంఠపురములో సినిమాకి అద్దిరిపోయే ఆల్బమ్ అందించి.. సక్సెస్ అందుకున్నారు. అయితే ఇంత మంచి మ్యూజిక్ అందిస్తున్నా.. సినీ ఇండస్ట్రీలో కాపీ క్యాట్ అనే మాట మాత్రం తమన్ ని వదలడం లేదు. తమన్ నుండి వచ్చిన ప్రతి ఆల్బమ్ మీద సోషల్ మీడియాలో ట్రోల్స్ చేస్తూనే ఉంటారు.
మ్యూజిక్ డైరెక్టర్ తమన్ మీద వచ్చే ట్రోల్స్ సంగతి ఎలా ఉన్నా.. తెలుగు, తమిళ్ కన్నడ, మలయాళం బాషల్లో తమన్ మోస్ట్ ఎఫెక్టెడ్ మ్యూజిక్ డైరెక్టర్ గా ఎదిగిపోతున్నాడు. ఈ సంక్రాంతికి మాస్ మహారాజ్ నటిస్తున్న క్రాక్ సినిమాకి మ్యూజిక్ అందిస్తున్నారు. ఇప్పటికే ఈ సినిమా నుండి రిలీజైన పాటలు యూత్ ని కట్టిపడేస్తున్నాయి. దీంతో పాటు పవర్ స్టార్ రీ ఎంట్రీ సినిమా వకీల్ సాబ్ కి తమన్ మ్యూజిక్ అందించారు. ఈ సినిమాలో సిద్ శ్రీ రామ్ పాడిన మగువా సాంగ్ ది బెస్ట్ సాంగ్ గా నిలిచింది. వీటితో పాటు అయ్యప్పనుమ్ కోశీయుమ్ తెలుగు రీమేక్ కి.. సర్కారు వారి పాట, టక్ జగదీష్, జూనియర్ ఎన్టీఆర్, బాక్సర్, థాంక్యూ, లాంటి క్రేజీ ప్రాజెక్ట్స్ కి తమన్ మ్యూజిక్ డైరెక్టర్ గా పనిచేస్తున్నారు.
తెలుగు, తమిళం, కన్నడ, మలయాళం భాషల్లో ఓ డజన్ ప్రాజెక్ట్స్ తో ఓ రేంజ్ లో ఎదుగుతున్నారు. ఎంతమంది తమన్ ని ట్రోల్ చేస్తున్నా.. దర్శక నిర్మాతలు మాత్రం తమన్ వెంట పడటమంటే మరి ప్రతిభతో పాటు అదృష్టం ఉన్నట్లే కదా అంటున్నారు తమన్ అభిమానులు.