దేశాన్ని అట్టుడికించబోతున్న `డ్రగ్స్ కేసు`లో హీరోలు స‌హా నిర్మాత‌లు ఇత‌ర సెల‌బ్రిటీలు అందరూ దొరుకుతారు ఇప్పుడు! .. క్వీన్ కంగ‌న ఆరోప‌ణ‌లు చూస్తుంటే క‌చ్ఛితంగా ఈ గూడుపుటానీ వెన‌క ఇంకేదో ఉంద‌నే అర్థ‌మ‌వుతోంది. ఇంత‌కీ ముందుగా బుక్క‌య్యే బిగ్ షాట్ ఎవ‌రై ఉంటారు?
క్వీన్ కంగ‌న వాల‌కం చూస్తుంటే బాలీవుడ్ లో బిగ్ షాట్స్ అంద‌రినీ బుక్ చేసినా ఆశ్చ‌ర్య‌పోన‌క్క‌ర్లేదు. ఓవైపు సుశాంత్ సింగ్ మ‌ర‌ణానికి మ‌హేష్ భ‌ట్.. క‌ర‌ణ్ జోహార్.. ఆదిత్య చోప్రా లాంటి పెద్ద‌లే కార‌ణ‌మ‌ని బ‌హిరంగంగా ఆరోపించిన కంగ‌న.. తాజాగా బాలీవుడ్ పార్టీల్లో కొకైన్ మ‌త్తు ఉచితంగా దొరుకుతుంద‌ని ఇక్క‌డ ఇది చాలా కామ‌న్ అని తెల‌ప‌డం సంచ‌ల‌న‌మైంది. నిజానికి సినీసెల‌బ్రిటీల వేడుక‌ల్లో ఇలాంటివి చాలా కామ‌న్ గానే ఉంటాయి. కానీ ఇలా ఒక సెల‌బ్రిటీనే ఆ విష‌యాన్ని బ‌హిరంగంగా ప్ర‌క‌టించ‌డంతో వేడెక్కించేస్తోంది.
ఇక బాలీవుడ్ ఏ లిస్ట‌ర్స్ అంతా డ్రగ్స్ పుచ్చుకుంటార‌ని.. వీళ్ల బాడీలో ర‌క్తంలో డ్రగ్స్ ప్ర‌వ‌హిస్తాయ‌ని బ‌హిరంగంగానే చెప్పింది క్వీన్. అంటే ఈ స్కామ్ లేదా మాద‌క ద్ర‌వ్యాల కేసులో స్టార్ హీరోలు స‌హా స్టార్ ప్రొడ్యూస‌ర్లు .. ద‌ర్శ‌కులు ఇలా అంద‌రినీ కంగ‌న ఆడుకోవ‌డం ఖాయంగానే క‌నిపిస్తోంది. తాజా ఆరోప‌ణ‌ల‌తో సీబీఐ ద‌ర్యాప్తు సిట్ ద‌ర్యాప్తు వంటివి షురూ అయితే బాలీవుడ్ లో క‌ల్లోలం ఖాయ‌మైన‌ట్టేన‌న్న‌ది ఒక వాద‌న.