టాలీవుడ్ ఇండస్ట్రీలో స్టార్ కమెడియన్ గా గుర్తింపు పొందిన అలీ గురించి ప్రత్యేకంగా పరిచయం చేయాల్సిన అవసరం లేదు. దాదాపు 35 ఏళ్లుగా ఇండస్ట్రీలో కొనసాగుతున్న అలీ కమెడియన్ గా మాత్రమే కాకుండా హీరోగా కూడా పలు సినిమాలలో నటించి మంచి గుర్తింపు పొందాడు. ఇలా సినిమాలలో హీరోగా కమెడియన్ గా నటించడమే కాకుండా నిర్మాతగా కూడా మారాడు. అంతేకాకుండా బుల్లితెర మీద ప్రసారం అవుతున్న టీవీ షోలలో అప్పుడప్పుడు సందడి చేయడమే కాకుండా ఈటీవీలో ప్రసారం అవుతున్న ఆలీతో సరదాగా అనే షోలో వ్యాఖ్యాతగా వ్యవహరిస్తున్నాడు.
ఇలా బుల్లితెర, వెండితెర ప్రేక్షకులను అలరిస్తున్న అలీ రాజకీయాలలో కూడా రంగ ప్రవేశం చేశాడు. ఆంధ్రప్రదేశ్ లో వైసిపి పార్టీకి మద్దతుగా నిలిచిన అలీ కి ఇటీవల ఎలక్ట్రానిక్ మీడియా ఇన్చార్జిగా పదవీ లభించింది. ఇలా ఇటు సినిమాలలో అటు రాజకీయాలలో నిత్యం బిజీగా ఉండే అలీ కి కొన్ని వందల కోట్ల రూపాయల ఆస్తులు ఉన్నట్లు తెలుస్తోంది. ఇప్పటివరకు హీరోగా, కమెడియన్గా దాదాపు 1200 కు పైగా సినిమాలలో నటించిన ఆలీ సినిమాల ద్వారా వందల కోట్లు సంపాదించాడు. ఇలా ఇప్పటివరకు సినిమాల ద్వారా అలీ సంపాదించిన ఆస్తి విలువ దాదాపు రూ. 850 ఉంటుందని ఇండస్ట్రీ వర్గాల నుండి సమాచారం.
ఇక ఇప్పుడు రాజకీయాలలో కూడా పాల్గొంటున్న అలీ మరింత ఎక్కువ ఆదాయం పొందుతున్నట్లు తెలుస్తోంది. ఇండస్ట్రీ వర్గాల నుండి అందుతున్న సమాచారం ప్రకారం ఒక సంవత్సరానికి అలీ సంపాదన దాదాపు రూ. 20 కోట్ల రూపాయలు ఉంటుందని సమాచారం. ఇలా ఎన్నో ఏళ్లుగా ఇండస్ట్రీలో కొనసాగుతున్న అలీ ఆస్తుల వివరాలకు సంబంధించిన వార్తలు ఇప్పుడు సోషల్ మీడియాలో వైరల్ అవుతున్నాయి. ఇలా వందల కోట్ల రూపాయలకు అధిపతి అయినా ఆలీ ఇటీవల తన పెద్ద కుమార్తె వివాహాన్ని చాలా ఘనంగా నిర్వహించాడు. ఈ వివాహ వేడుకకు టాలీవుడ్ ఇండస్ట్రీ నుండి ఎంతోమంది సెలబ్రిటీలు హాజరై సందడి చేశారు.