సలార్ నుంచి సాలీడ్ అప్‌డేట్ వచ్చేసింది. రీసెంట్ గా ప్రభాస్ నటించబోతున్న ఆదిపురుష్ సినిమా షూటింగ్ ఈ నెల 19 నుంచి మొదలవబోతుందన్న న్యూస్ తెలిసినప్పటి నుంచి ప్రభాస్ ఫ్యాన్స్ కి సలార్ సినిమా విషయంలో ఆతృత పెరిగింది. ప్రశాంత్ నీల్ – ప్రభాస్ ల సలార్ ఎప్పుడు షూటింగ్ మొదలబోతుంది అని. గత నెలలో దర్శకుడు ప్రశాంత్ నీల్ కేజీఎఫ్ 2 షూటింగ్ కంప్లీట్ చేయడం తో నెక్స్ట్ సలార్ ని సెట్స్ మీదకి తీసుకు వస్తాడని చెప్పుకొచ్చారు. అంతేకాదు జనవరి మొదటి వారం నుంచే సలార్ సెట్స్ మీదకి రాబోతుందన్న వార్తలు వచ్చాయి.
కాని ఈ ప్రాజెక్ట్ కి సంబంధించి మేకర్స్ ఎలాంటి అప్‌డేట్ ఇవ్వకపోవడం తో డార్లింగ్ ఫ్యాన్స్ కాస్త డిసప్పాయింట్ ఆయ్యారు. ఆ డిసప్పాయింట్ ని పోగొట్టేశారు సలార్ మేకర్స్. తాజాగా ఈ సినిమా ప్రారంభం ఎప్పుడు కాబోతుందో సోషల్ మీడియా ద్వారా ప్రకటించారు. హోంబ‌లే ఫిలింస్ బ్యానర్ పై భారీ బడ్జెట్ నిర్మిస్తున్న సలార్ జనవరి 15న ఘనంగా ప్రారంభం కాబోతోంది. ఇందుకు సంబంధించిన ప్రకటనని కాసేపటి క్రితం మేకర్స్ వెల్లడించారు.
కేజీఎఫ్ చాప్టర్ 1 అండ్ 2 సినిమాలతో పాన్ ఇండియన్ డైరెక్టర్ గా క్రేజ్ సంపాదించుకున్న ప్రశాంత్ నీల్ సలార్ లో ప్రభాస్ ని డాన్ గా చూపించబోతున్నాడు. భారీ యాక్షన్ ఎంటర్‌టైనర్ గా రూపొందనున్న సలార్ కేవలం 4 నెలల్లో పూర్తి చేసేలా షెడ్యూల్స్ ప్లాన్ చేశారు దర్శక నిర్మాతలు. ఇక ప్రభాస్ నుంచి రాధే శ్యాం తర్వాత వచ్చే సినిమా కూడా సలార్ కావడం విశేషం. ఇక జనవరి 15 న ప్రారంభం కాబోతున్న సలార్ వెంటనే రెగ్యులర్ షూటింగ్ కూడా మొదలు పెట్టబోతున్నారు.