సింగర్ సునీత మొదటి భర్తతో విడాకుల తర్వాతా చాలా కాలం ఒంటరిగానే ఉంది , ఇటీవలనే తన రెండో వివాహానికి సంబంధించిన అఫీషియల్ అనౌన్స్‌మెంట్ చేసింది.ప్రముఖ వ్యాపారవేత్త రామ్ వీరపనేనితో త్వరలోనే తాను రెండో వివాహం చేసుకోబోతున్నట్లు తెలియజేసింది.ఇక అప్పటి నుండి ఈ పెళ్లి గురించి రకరకాలుగా సోషల్ మీడియాలో తీవ్ర చర్చ జరుగుతుంది . రీసెంట్ గా ఒక షాపింగ్ మాల్ ఓపెనింగ్ కి వచ్చిన సునీత మీడియాతో మాట్లాడుతూ… పెళ్లి గురించి ఇష్టం వచ్చినట్లు రాయొద్దని , ఏదైనా ఉంటె నేనే మీకు చెప్తానని చెప్పింది.
రెండు రోజుల నుండి సోషల్ మీడియా లో సునీతకి సంబంధించిన కొన్ని ఫోటోలు వైరల్ అవుతున్నాయి. టాలీవుడ్ హీరో నితిన్ తాజాగా ఈ కాబోయే దంపతులకు ఓ అదిరిపోయే పార్టీ ఇచ్చాడట. రామ్ వీరపనేనికి మంచి సన్నిహితుడైన హీరో నితిన్, హైదరాబాద్‌లోని గచ్చిబౌలిలోని ఓ స్టార్ హోటల్‌లో వారికి అదిరిపోయే విందునిచ్చాడట.త్వరలో పెళ్లి చేసుకోబోతున్న కారణంగా నితిన్ సునీత-రామ్‌లకు ఈ ట్రీట్ ఇచ్చాడు.కాగా ఈ పార్టీకి టాలీవుడ్‌కు చెందిన పలువురు సెలబ్రిటీలు సైతం హాజరైనట్లు తెలుస్తోంది.
వారిలో యాంకర్ సుమ, రేణు దేశాయ్ , కొందరు గాయని గాయకులు , బంధువులు మాత్రమే ఉన్నట్లు తెలుస్తోంది.ఇక సునీత, రామ్ వీరపనేని త్వరలోనే పెళ్లిపీటలు ఎక్కుతుండటంతో వారి జీవితం సంతోషంగా సాగిపోవాలని పలువురు ఈ సందర్భంగా ఆకాక్షించారు.మరి ఈ దంపతులు ఎప్పుడు, ఎక్కడ పెళ్లి చేసుకుంటున్నారనే విషయంపై ఇంకా క్లారిటీ రావాల్సి ఉంది.
