ఇండియన్ సినిమా దగ్గర గత ఏడాది వచ్చిన చివరి బాక్సాఫీస్ హిట్ చిత్రాల్లో పాన్ ఇండియా హీరో ప్రభాస్ హీరోగా శృతి హాసన్ జంటగా నటించిన చిత్రం “సలార్” కూడా ఒకటి. దర్శకుడు ప్రశాంత్ నీల్ తెరకెక్కించిన ఈ చిత్రం ప్రభాస్ కెరీర్ లోనే కాకుండా ప్రశాంత్ నీల్ కెరీర్ లో కూడా మాసివ్ హిట్ అయ్యింది.
కాగా ఈ సినిమా రిలీజ్ అయ్యి చూసాక ప్రభాస్ ఫ్యాన్స్ మాత్రం కొన్ని అంశాల్లో చాలా డిజప్పాయింట్ అయ్యారు. మరి ఈ అంశాల్లో ప్రభాస్ కి సినిమాలో చాలా తక్కువ సేపు స్క్రీన్ టైం ఉంది అనేది కటి అయితే మరొకటి ఉన్న ఆ తక్కువ సేపులో కూడా ప్రభాస్ నోటి నుంచి వచ్చే డైలాగ్స్ కోసం కూడా ఇప్పుడు చర్చగా మారింది.
కాగా ప్రభాస్ స్క్రీన్ టైం సలార్ పార్ట్ 1 లో కేవలం 55 నిమిషాలు మాత్రమే ఉంటే ఈ 55 నిమిషాల్లో కూడా తనకి ఎంతసేపు డైలాగ్స్ ఉన్నాయో తెలుసా? కేవలం 2 నిమిషాల 55 సెకండ్లు అంట. ఇది ఒకింత షాకింగ్ అని చెప్పాలి. నిన్ననే సినిమా ఓటిటిలో విడుదల కాగా ఫ్యాన్స్ కూడా ఈ అంశాన్ని అబ్జర్వ్ చేసారు.
దీనితో మరీ ఇంత తక్కువా అని తల కొట్టుకుంటున్నారు. అలాగే నీల్ మాత్రం ఈ విషయంలో మరోసారి డిజప్పాయింట్ చేసాడని కొందరు అభిప్రాయం పడుతుంటే ఇంత తక్కువలో కూడా ప్రశాంత్ నీల్ ఒక అదిరిపోయే సినిమా తీసినందుకు మెచ్చుకోవాలి అని మూవీ లవర్స్ అంటున్నారు.