బ్రహ్మానందం టాలీవుడ్ సినిమా ఇండస్ట్రీలో టాప్ కమెడియన్ గా క్యారెక్టర్ ఆర్టిస్టుగా ఎంత బిజీగా ఉన్నారో తెలిసిందే. అంతేకాదు బ్రహ్మానందం డేట్స్ కూడా దర్శక నిర్మాతలకి దొరకడం ఒకప్పుడు గగనం అయ్యింది. చెప్పాలంటే బ్రహ్మానందం సినిమాలో ఉండాల్సిందే అని స్టార్ హీరోలు కూడా దర్శక, నిర్మాతలని పట్టు పట్టిన రోజులు కూడా చాలా ఉన్నాయి. అంతెందుకు బ్రహ్మానందం ఉంటేనే సినిమా హిట్ అన్న మాట కూడా ఎన్నో సార్లు వినిపించింది. దాంతో బ్రహ్మానందం రెమ్యూనరేషన్ కూడా ఆకాశం అంచులు తాకింది. రోజుకు దాదాపు మూడు లక్షలు రెమ్యూనరేషన్ తీసుకున్న సందర్భాలు కూడా ఉన్నాయని చెప్పుకున్నారు.
అయితే ఈ మధ్య బ్రహ్మానందం జోరు కాస్త తగ్గింది. సినిమాలు తగ్గాయి. ముందు వచ్చిన పూర్తి స్థాయి కామెడీ పాత్రలు రావడం లేదు. అందుకు కారణం మిగతా నటుల పోటీ ఒకటైతే ఆయన స్థాయి పాత్రలు క్రియేట్ చేయలేకపోతున్నారన్నది మరొక కారణం అంటున్నారు. ఈ క్రమంలో సీనియర్ నరేష్ గత కొంతకాలంగా మంచి ఫాం లోకి వచ్చేశారు. ఒకప్పుడు కామెడీ హీరోగా నటించి సూపర్ హిట్ అందుకున్న సీనియర్ నరేష్ ఇప్పుడు తండ్రి పాత్రలకి కేరాఫ్ అడ్రస్ గా మారారు. అంతేకాదు కొన్ని విలక్షణమైన పాత్రలకి మేకర్స్ సీనియర్ నరేష్ నే సంప్రదిస్తున్నారు.
నరేష్ కూడా అంది వచ్చిన ప్రతీ అవకాశాన్ని సద్వినియోగం చేసుకుంటున్నాడు. ఇప్పుడు బ్రహ్మానందం ని రీ ప్లేస్ చేశాడన్న టాక్ కూడా వచ్చేసింది. చందమామ కథలు సినిమాలో నటించి జాతీయ అవార్డ్ ని సొంతం చేసుకున్నాడు. ఈ సినిమా తర్వాత నరేష్ కి మంచి అవకాశాలు దక్కుతున్నాయి. రీసెంట్ గా యంగ్ హీరో సత్య దేవ్ హీరోగా నటించిన ఉమాహేశ్వర ఉగ్రరూపస్య లోనూ సీనియర్ నరేష్ నటనకు మరింతగా పేరొచ్చింది. దాంతో దాదాపుగా ప్రతీ సినిమాలోని క్యారెక్టర్ కి ముందు నరేష్ పేరే పరిశీలిస్తున్నారట. అంతేకాదు రోజుకు 3 లక్షలు రెమ్యూనరేషన్ కూడా ఆఫర్ చేస్తున్నట్టు సమాచారం.