టాలెంటెడ్ హీరో సత్యదేవ్, కన్నడ స్టార్ డాలీ ధనుంజయ్ హైలీ యాంటిసిపేట్ మల్టీ స్టార్ మూవీ జీబ్రా. పద్మజ ఫిలిమ్స్ ప్రైవేట్ లిమిటెడ్ ఓల్డ్ టౌన్ పిక్చర్స్ బ్యానర్ పై ఈ చిత్రాన్ని ఎస్ ఎన్ రెడ్డి, ఎస్ పద్మజ బాలసుందరం, దినేష్ సుందరం నిర్మిస్తున్నారు. ఈశ్వర్ కార్తీక్ ఈ సినిమాకి దర్శకత్వం వహిస్తున్నారు. నవంబర్ 22న ఈ సినిమా థియేటర్లలోకి రాబోతుంది.
ఇప్పటికే ఫస్ట్ లుక్ పోస్టర్స్, మోషన్ వీడియో, టీజర్ తో మేకర్స్ సినిమా పై క్యూరియాసిటీని పెంచుతూ వచ్చారు. అయితే రీసెంట్ గా ఈ సినిమా ప్రమోషన్స్లో భాగంగా జరిగిన ఈవెంట్ కి చిరంజీవి చీఫ్ గెస్ట్ గా వచ్చారు. ఆ సందర్భంగా సత్యదేవ్ చిరంజీవి సినిమా పాటలకే డాన్స్ వేశాడు.
నిజానికి డాన్స్ ఇరగదీసాడని చెప్పాలి.ఆ డాన్స్ కి చిరంజీవి సైతం ఫిదా అయ్యారు.
ఆ డాన్స్ చూసిన వారు ఎవరైనా బాగా ప్రాక్టీస్ చేసిన తర్వాత స్టేజిపై డాన్స్ చేశాడనే అనుకుంటారు. సినిమా ప్రమోషన్స్లో భాగంగా సత్యదేవ్ ఈ మధ్య ఇచ్చిన ఒక ఇంటర్వ్యూలో ఇదే ప్రశ్న యాంకర్ సత్యదేవ్ ని ప్రశ్నించగా డాన్స్ ప్రాక్టీస్ లేకుండానే డైరెక్ట్ గా ఆ టైం కి స్టేజి మీద పిలిస్తే వెళ్లి డాన్స్ చేశాను, చిన్నప్పటినుంచి చిరంజీవి గారి డాన్స్ లు చూసేవాన్ని, నిద్రలో లేపి అడిగినా చిరంజీవి గారి పాటలకి స్టెప్స్ వేస్తాను. 9వ తరగతిలో ఉన్నప్పుడు వైజాగ్ లో లైమ్కా ఈవెంట్ జరిగింది.
ఈ ఈవెంట్ కి సోనాలి బింద్రే అతిథిగా వచ్చారు. అప్పుడు కూడా ఇదే డాన్స్ చేసి ఫస్ట్ గెలుచుకున్నాను. ఇప్పుడు కూడా చిరంజీవి గారి ముందు పాట ప్లే చేయగానే అవే స్టెప్స్ ఆటోమేటిక్గా వేశాను అని తెలిపారు. అలాగే సినిమా గురించి మాట్లాడుతూ బ్లాక్ మనీ వైట్ మనీ చుట్టూ జరిగే కథ ఇది. ఈ సినిమాలో నేను బ్యాంకర్ గా నటించాను, ధనుంజయ్ గ్యాంగ్స్టర్ గా కనిపిస్తాడు.మా రెండు ప్రపంచాలు ఎలా కలిశాయి అనేది ఆసక్తికరంగా ఉంటుందని చెప్పుకొచ్చాడు.