ప్రస్తుతం టాలీవుడ్ సినిమా దగ్గర షైన్ అవుతున్న యంగ్ హీరోయిన్స్ లో కాస్త అటు ఇటు గా సమంత లుక్స్ తో కనిపించిన నటి సంయుక్త మీనన్ కూడా ఒకరు. అయితే ఈమె మొదటిగా సైన్ చేసింది “బింబిసారా” కి అయినప్పటికీ టాలీవుడ్ లో మాత్రం ఆమె ఎంట్రీ “భీమ్లా నాయక్” తో ఇచ్చింది.
అందులో చిన్న పాత్రే అయినా చాలా స్ట్రాంగ్ రోల్ లో కనిపించి మరిన్ని ఆఫర్స్ సొంతం చేసుకుంది. ఇక లేటెస్ట్ గా అయితే తాను నటించిన థ్రిల్లర్ సినిమా “విరూపాక్ష” సిద్ధంగా ఉంది. కాగా ఈ సినిమాలో హీరోగా సాయి ధరమ్ తేజ్ నటించగా ఈ వారం విడుదలకి ఈ సినిమా సిద్ధంగా ఉంది.
అయితే ఈ సినిమా ఫస్ట్ టీజర్ ట్రైలర్ చూసాక ఒక హారర్ స్టోరీ అని అర్ధం అవుతుంది. సినిమాలో ఏదో దయ్యం ఒక ఊరిలో ఉన్నట్టుగా బ్యాక్ డ్రాప్ సెటప్ అంతా కనిపిస్తుంది. కానీ అసలు ఈ సినిమాలో దయ్యం లాంటిది ఏది ఉండదు అని కీలక పాయింట్ ని ఆమె రివీల్ చేసేయడం ఆశ్చర్యంగా మారింది.
ఇది హారర్ సినిమా కాదని కానీ ఆ సినిమాల్లాంటి ట్రీట్ ని థియేటర్స్ లో ఈ చిత్రం అందిస్తుంది అని ఆమె చెప్పుకొచ్చింది. అయితే మొదట హారర్ సినిమాల్లా ఉండి లాస్ట్ కి ఏది లేదు అని చూపించే తరహాలో చాలానే సినిమాలు వచ్చాయి. మరి ఇన్ని రోజులు ఈ సినిమాలో ఏదో దయ్యం ఉంది అనుకున్న ఆడియెన్స్ కి అలాంటివి ఏమీ లేదని ముందే చెప్పేసి ఈ యంగ్ హీరోయిన్ గా డిజప్పాయింట్ చేసిందనే చెప్పక తప్పదు.