టాలీవుడ్ ఇండస్ట్రీలో లక్కీ డైరెక్టర్ ఎవరంటే సుజిత్ అనే చెప్పాలి. ఈ దర్శకుడు రెండవ సినిమానే ప్రభాస్ తో సినిమా చేశాడు అంటే ఆ తరువాత ఇంక ఎవరితో చేస్తాడు అనే కామెంట్స్ అప్పట్లో బాగానే వచ్చాయి..నిజానికి సాహో అనుకున్నంత హిట్ కాలేదు. ఆ సినిమా ఇచ్చిన రిజల్ట్ కు కొన్నాళ్లపాటు సుజిత్ కన్ఫ్యూజన్ లో పడ్డాడు.
అసలు మ్యాటర్ లోకి వస్తే ఈ డైరెక్టర్ మూడవ సినిమాపై ఇంకా క్లారిటీ ఇవ్వలేదు. సాహో అయిపోయిన తరువాత మెగాస్టార్ పిలిచిమరి లూసిఫర్ రీమేక్ చేసే అవకాశాన్ని ఇవ్వగా అతను దాన్ని సరిగ్గా యూజ్ చేసుకోలేక స్క్రిప్ట్ డిస్కషన్ లోనే డ్రాప్ అయ్యాడు. ఇక ఆ తరువాత గోపీచంద్ తో ఒక సినిమా ఫిక్స్ అయినట్లు రూమర్స్ చాలానే వచ్చాయి. కానీ ఒక్కసారి కూడా ఆ కాంబోపై ఎవరు స్పందించలేదు.
ఇక ఫైనల్ గా సుజిత్ ఒక బాలీవుడ్ హీరోతో సినిమా చేయడానికి ప్లాన్ చేస్తున్నట్లు తెలుస్తోంది. బాలీవుడ్ టాలెంటెడ్ నటుడు విక్కీ కౌషల్ కు ఇటీవల ఒక యాక్షన్ కథను వినిపించినట్లు సమాచారం. కథ నచ్చడంతో విక్కీ కూడా పాజిటివ్ గా స్పందించాడట. అయితే ఇంకా ఫైనల్ కాల్ ఇవ్వలేదని టాక్. ఒకవేళ కాంబో సెట్టయితే ఒక బడా బాలీవుడ్ ప్రొడక్షన్ సినిమా నిర్మించవచ్చని తెలుస్తోంది. మరి సుజిత్ ఈ సారైనా మూడవ సినిమాపై కాస్త త్వరగా క్లారిటీ ఇస్తాడో లేదో చూడాలి.