RRR Movie: మెగా, నందమూరి అభిమానులు ఎప్పటి నుంచో ఆతృతగా ఎదురుచూస్తున్న సమయం ఆసన్నం అయింది. తమ అభిమాన హీరోస్ తెరపై చేసే మేజిక్ ను చూసేందుకు ఇన్ని రోజులు ఎదురుచూసినందుకు గర్వంగా ఫీల్ అవుతున్నట్టు తెలుస్తోంది. ఇంతకీ ఆ సినిమా ఏమనుకున్నారు ..? అదే రాజమౌళి దర్శకత్వంలో తెరకెక్కిన ఆర్ ఆర్ ఆర్ చిత్రం. అదంతా భారతీయ సినిమా గొప్ప దనాన్ని మరోసారి ప్రపంచానికి తెలిసేలా తీసిన దర్శకేంద్రుడి గొప్పతనంగా చెప్పవచ్చు.
ఇకపోతే దేశ వ్యాప్తంగా ఆర్ ఆర్ ఆర్ సినిమా విడుదల కావడంతో ఫ్యాన్స్ తెగ ఎంజాయ్ చేస్తున్నారు. వెండి తెరపై ఆవిష్కృతమైన ఆ సూపర్ హీరోస్ ను చూసి థియేటర్లలో వారు చేసే అరుపులు, కేకలతో అంతా సందడిగా కనిపిస్తుంది. ఇక సినిమాలోని ఇంట్రడక్షన్ సీన్ మాత్రం ఫాబులస్ అంటున్నారు ఫ్యాన్స్. ఇక ఇప్పటికే ఎంతో హిట్ అయిన నాటు నాటు సాంగ్ ప్రేక్షకులను అసలు సీట్లో కూర్చొనివ్వదు అంటూ పలువురు ట్వీట్స్ చేస్తున్నారు. ఇక ఇంటర్వెల్ బ్లాక్ అదిరిపోయింది అంటూ పోస్ట్ లు పెడుతున్నారు. దానికి తోడు హీరోయిన్స్ ఎంట్రీ సీన్స్ అదుర్స్ అంటూ రాజమౌళిపై ప్రశంసల జల్లు కురిపిస్తున్నారు. ఇక రామ్ చరణ్, ఎన్టీఆర్ ల కంటే రాజమౌళి నామస్మరణే ఎక్కువగా ఉందని పలువురు సినీ అభిమానులు అంటున్నారు.
భారీ అంచనాల మధ్య విడుదల అయిన ఆర్ ఆర్ ఆర్ మూవీ అనుకున్న స్థాయిలో విజయం సాధిస్తుందని అభిమానులు బల్ల గుద్ది చెప్తున్నారు. రాజమౌళి ఈ సారి కూడా బ్లాక్ బస్టర్ కొట్టేశాడు అంటూ అభిమానులు సంబరాలు జరుపుకుంటున్నారు. ఇక ఆ ఇద్దరి హీరోల యాక్టింగ్ గురించి ఎంత చెప్పినా తక్కువే అని కొనియాడుతున్నారు. అజయ్ దేవగణ్ కూడా చించేసాడు అంటున్నారు. ఒక్కరూ అని కాదు ప్రతీ ఒక్క ఆర్టిస్ట్ ప్రాణం పెట్టి నటించారు అంటూ తెగ పొగుడుతున్నారు.