RRR OTT: బాక్సాఫీస్ వద్ద ప్రభంజనం సృష్టిస్తోన్న ఆర్ఆర్ఆర్ సినిమా గురించి ఎంత చెప్పినా తక్కువే. తెలుగు సినీ పరిశ్రమలో గత రికార్డ్స్ను తిరగరాస్తూ విజయవంతంగా దూసుకుపోతూ తెలుగు సినిమా సత్తాను చాటుతూ వస్తోంది. ఇక మార్చి 25న విడుదలైన ఈ సినిమా ప్రపంచవ్యాప్తంగా వసూళ్ల సునామీ సృష్టిస్తోన్న విషయం తెలిసిందే. జక్కన్న విజువల్ మ్యాజిక్, దానికి తోడు రామ్ చరణ్, ఎన్టీఆర్ల అద్భుత నటన ప్రేక్షకులను కట్టిపడేసిందని చెప్పవచ్చు. ఇక ఈ మూవీకి వస్తున్న పాజిటివ్ రెస్పాన్స్కి మామూలు సినీ ప్రేక్షకులు ఆశ్చర్యం వ్యక్తం చేస్తున్నారు. డీవీవీ ఎంటర్టైన్మెంట్ బ్యానర్ పై దానయ్య దాదాపు 450 కోట్ల బడ్జెట్తో ఈ చిత్రాన్ని నిర్మించిన ఈ సినిమాలో చరణ్ అల్లూరి సీతారామారాజుగా ,ఎన్టీఆర్ కొమురం భీమ్ పాత్రలో నటించి అభిమానులను మెప్పించారు. అంతేకాకుండా ఈ సినిమాలో బాలీవుడ్ స్టార్ హీరో అజయ్ దేవగణ్, అలియా భట్, శ్రియా సరన్, సముద్రఖని వంటి వారు కీలకపాత్రలలో నటించి, మూవీకి ప్రత్యేక ఆకర్షణగా నిలిచారు. ప్రస్తుతం బ్లాక్ బస్టర్ హిట్ టాక్తో దూసుకుపోతోన్న ఈ సినిమా ఇటీవలే రూ.500 కోట్ల వసూళ్లను దాటి విజయం దుంధుభి మోగించింది.
అయితే తాజాగా ఇప్పటికే ఈ సినిమాకు రోజురోజుకూ వస్తున్న ఆదరాభిమానాలతో మరింత హైప్ను తెచ్చుకుంటుంది ఆర్ఆర్ఆర్ సినిమా. కాగా తాజాగా ఈ మూవీ ఓటీటీలో ఎప్పుడు రిలీజ్ అవుతుందనే దానిపై అందరి కన్నూ పడ్డడ్డు తెలుస్తోంది. తాజగా దీనికి సంబంధించిన కొన్ని వార్తలు ఇప్పటికే ఫిల్మ్ సర్కిల్లో చక్కర్లు కొడుతున్నా సందడి చేస్తూ, అందర్నీ సందిగ్ధంలో పడేశాయి. అయితే జక్కన్న అత్యంత ప్రతిష్టాత్మకంగా తెరకెక్కించిన ఆర్ఆర్ఆర్ సినిమా నెట్ ఫ్లిక్స్, జీ5 ఓటీటీ ప్లాట్ ఫామ్స్ లో విడుదలయ్యే అవకాశం ఉందని టాక్ వినిపిస్తోంది.
కాగా విజువల్ మ్యాజిక్ని క్రియేట్ చేసిన ఈ సినిమా తెలుగు, తమిళం, కన్నడ వెర్షన్లో 2 నెలల్లోనే ఓటీటీలోకి తీసుకొచ్చే సన్నాహాలు జరుగుతున్నట్టు తెలుస్తోంది. ఈ నేపథ్యంలోనే దక్షిణాది భాషలలో చూసుకుంటే జీ5లో స్ట్రీమింగ్ చేసేందుకు ప్లాన్ చేస్తున్నట్టు సమాచారం. ఇక హిందీ వెర్షన్ మాత్రం నెట్ ఫ్లిక్స్లో జూన్లోనే స్ట్రీమింగ్ కానుందట. అయితే ఇప్పటికే భారీ సెన్సేషన్ను క్రియేట్ చేసిన ఈ సినిమాకు పెరుగుతున్న ఆదరణ ఇలాగే మరికొన్ని రోజులు కంటిన్యూ అయితే, మరో రికార్డ్ బద్దలు కావడం ఖాయమని పలువురు భావిస్తునారు. ఇక పలు చోట్ల ఈ సినిమాకు నెగెటివ్ రెస్పాన్స్ వచ్చినా అభిమానులు మాత్రం వాటినేమీ లెక్క చేయకుండా మూవీ స్థాయిని మరింత పెంచేస్తున్నారు.