RRR Movie: భారీ అంచనాలతో అగ్ర హీరోలతో, సినీ తెరపై మ్యాజిక్ను సృష్టించే దర్శకడు రాజమౌళి. అలాంటి ప్రయత్నమే మళ్లీ చేశాడు రాజమౌళి. అదే ఆర్ఆర్ఆర్. జూనియర్ ఎన్టీఆర్, రామ్ చరణ్ అగ్ర పాత్రల్లో నటించిన ఈ సినిమాపై సినీ వర్గాలే కాదు.. ప్రేక్షకులు కూడా అదే స్థాయిలో అంచనాలను, ఎంటర్టైన్మెంట్ను ఎక్సెప్ట్ చేస్తున్నారనటంలో ఏ మాత్రమూ సందేహం లేదు. పాన్ ఇండియా స్థాయిలో భారీ బడ్జెట్తో తెరకెక్కిన ఈ చిత్రానికి సంబంధించి పాటలు, ట్రైలర్ విడుదల కావడంతో యూట్యూబ్లో ఇప్పటికే వాటికి మిలియన్ల వ్యూస్తో దూసుకుపోతున్నాయి. దాంతో ఇప్పుడు ఎక్కడ చూసినా ఆర్ఆర్ఆర్ ట్రెండే కనిపిస్తోంది.
ఇకపోతే టాలీవుడ్ జక్కన్నగా ప్రేమగా పిలుచుకునే రాజమౌళి డైరెక్షన్లో వచ్చిన ఈ సినిమా త్వరలోనే రిలీజ్ కానుండడంతో చిత్ర యూనిట్ మూవీ ప్రమోషన్స్ పేరుతో తెగ హడావిడి చేస్తున్నారు. గతంలోనూ ఇదే స్థాయిలో ప్రమోషన్స్ చేసినా.. రిలీజ్ వాయిదా కావడంతో అందరూ కాస్త సైలెంట్ అయ్యారు. తాజాగా మళ్లీ ఆ హడావిడి షురూ అయిందనే చెప్పవచ్చు. ఇదిలా ఉండగా #RRRMassBegins పేరుతో ఇప్పటికే సోషల్ మీడియాలో ఆ చిత్రానికి సంబంధించిన వీడియోలను పోస్టు చేస్తుండడం అందరినీ ఆకర్షిస్తోంది.
ఇక వివరాల్లోకి వెళితే ఈ సినిమాకు ఇండియాలోనే కాదు దేశ విదేశాల్లో సైతం క్రేజ్ పెరిగిపోయిందంటే మామూలు విషయం కాదు. తాజాగా ఈ మూవీ కోసం తాము ఎప్పటి నుంచో చాలా ఎదురు చూస్తున్నామంటూ సినీ అభిమానులు తమ అభిమాన హీరోలపై ఉన్న ఇష్టాన్ని అనేక రకాలుగా చూపిస్తూ వస్తున్నారు. అయితే తాజాగా కెనడాలో ఎన్టీఆర్ పేర్లను కార్లతో వచ్చేలా రాసి, అక్కడి నందమూరి ఫ్యాన్స్ ఎన్టీఆర్కి ఆల్ ది బెస్ట్ చెప్పారు. దీనికి సంబంధించిన ఆ వీడియో ప్రస్తుతం నెట్టింట్లో వైరల్గా మారింది. ఈ సినిమా ఈ నెల 25న రిలీజ్ కానుండడం, మరియు బాహుబలి తర్వాత రాజమౌళి నిర్మిస్తున్న చిత్రం కావడంతో సినీ అభిమానులు ఎంతో ఆతృతగా ఎదురు చూస్తున్నారు.