RRR: ఆర్ఆర్ఆర్ సినిమా నుంచి స్నాప్ చాట్ విడుదల..?

RRR: టాలీవుడ్ దర్శక ధీరుడు ఎస్ ఎస్ రాజమౌళి ప్రతిష్టాత్మకంగా భారీ బడ్జెట్ తో రూపొందించిన సినిమా ఆర్ఆర్ఆర్. ఈ సినిమా మార్చి 25న ప్రేక్షకుల ముందుకు రానున్న విషయం తెలిసిందే. ఇప్పటికే ఈ సినిమా విడుదల కావాల్సి ఉండగా కరోనా మహమ్మారి కారణంగా ఇప్పటికే పలుమార్లు వాయిదా పడుతూ వచ్చింది. ఈ సినిమా నుంచి విడుదలైన పోస్టర్ లకు, టీజర్ లకు, పాటలకు ప్రేక్షకుల నుంచి భారీగా స్పందన లభించింది. ఈ సినిమా ఎప్పుడెప్పుడు విడుదల అవుతుందా అని అభిమానులు ఎంతగానో ఎదురు చూస్తున్నారు.

ఇదిలా ఉంటే దర్శకుడు రాజమౌళి మళ్లీ సినిమా ప్రమోషన్స్ ను స్పీడప్ చేసేసాడు. ఈ నేపథ్యంలోనే మహాశివరాత్రి పండుగ సందర్భంగా ఆర్ఆర్ఆర్ మార్చ్ అంటూ ఒక స్నాప్ షాట్ ను విడుదల చేశారు.ఇందులో మీకు ఇష్టమైన ఇమేజ్ పెట్టుకొని సోషల్ మీడియా వాల్స్ పై పోస్ట్ చేసుకోండి అంటూ ఈ స్నాప్ షాట్ ని విడుదల చేశారు. దీనితో అభిమానులు అందరూ ఆ ఆర్ఆర్ఆర్ స్నాప్ చాట్ ఫై పడ్డారు.ఎన్టీఆర్, చరణ్ ప్లేసులో వారి ఫోటోలను పెట్టుకుంటూ సోషల్ మీడియాలో పోస్ట్ చేస్తున్నారు. దీనితో మరొకసారి ఆర్ఆర్ఆర్ హ్యాష్ ట్యాగ్ ట్రెండింగ్ లోకి వచ్చింది.