రానున్న రోజుల్లో ఇండియన్ సినిమా దగ్గర నెక్స్ట్ బిగ్ థింగ్ గా మారనున్న భారీ చిత్రాల్లో ఐకాన్ స్టార్ అల్లు అర్జున్ హీరోగా దర్శకుడు సుకుమార్ కాంబినేషన్ లో తెరకెక్కిస్తున్న సెన్సేషనల్ సీక్వెల్ చిత్రం “పుష్ప 2 ది రూల్” కూడా ఒకటి. ఒక బాహుబలి ఒక కేజీఎఫ్ చిత్రాల సీక్వెల్స్ అనంతరం మళ్ళీ ఓ సీక్వెల్ కి అంత డిమాండ్ ఉంది అంటే అది ఖచ్చితంగా పుష్ప 2 అని చెప్పాలి.
మరి ఆ సినిమాలో హీరోయిన్ గా నటిస్తున్న నేషనల్ క్రష్ రష్మిక మందన్నా లేటెస్ట్ గా నటించిన చిత్రం “ఆనిమల్” తో తన కెరీర్ లో మరో బిగ్గెస్ట్ హిట్ ని ఆమె తన ఖాతాలో వేసుకోగా ఈ సినిమా ప్రమోషన్స్ లో అయితే పుష్ప 2 పై క్రేజీ అప్డేట్ అందించింది. పుష్ప 2 కోసం మాట్లాడుతూ..
ఈ సినిమా అనుకున్న దానికన్నా చాలా గ్రాండ్ గా ఉంటుంది అని అలాగే మెయిన్ గా సినిమాలో సెకండాఫ్ ఐతే అందరికీ మైండ్ బ్లోయింగ్ గా ఉంటుంది అని ఆమె చెప్పింది. దీని బట్టి పుష్ప 2 సెండాఫ్ మాత్రం నెక్స్ట్ లెవెల్లో ఉంటుంది అని చెప్పాలి. మరి ఆమె చెప్పినట్టుగానే సుకుమార్ దీనిని చెక్కాడా లేదా అనేది చూడాలి.
ఇక ఈ సినిమాకి దేవిశ్రీ ప్రసాద్ సంగీతం అందిస్తుండగా మైత్రి మూవీ మేకర్స్ వారు భారీ బడ్జెట్ తో నిర్మాణం వహించారు. అలాగే ఈ సినిమా పాన్ ఇండియా భాషల్లోనే కాకుండా వరల్డ్ వైడ్ గా ఎన్ని వీలయితే అన్ని భాషల్లో డబ్ చేసి రిలీజ్ చేయాలని ప్లాన్ చేస్తున్నారు అలాగే ఈ ఆగస్ట్ 15న రిలీజ్ కాబోతుంది.