Rashmika Mandanna: ఛలో సినిమా ద్వారా తెలుగు ప్రేక్షకులకు పరిచయమైన కన్నడ ముద్దుగుమ్మ రష్మిక గురించి ప్రత్యేకంగా చెప్పాల్సిన పనిలేదు. మొదటి సినిమాతోనే ఎంతో మంచి గుర్తింపు సంపాదించుకున్న ఈ ముద్దుగుమ్మ ప్రస్తుతం పాన్ ఇండియా స్థాయి చిత్రాలలో నటిస్తూ ఎంతో బిజీగా ఉండి పోయారు. ఇలా వరుస సినిమాలతో ఎంతో బిజీగా ఉన్న రష్మిక సోషల్ మీడియాలో కూడా ఎంతో యాక్టివ్ గా ఉంటూ అభిమానులకు దగ్గరవుతున్నారు.ఇప్పటికే ఇంస్టాగ్రామ్ ట్విట్టర్ అంటూ ఎంతో మంది అభిమానులను సంపాదించుకున్న ఈ ముద్దుగుమ్మ తాజాగా సోషల్ మీడియా వేదికగా సొంతంగా యూట్యూబ్ ఛానల్ నిర్వహించారు.
ఈ క్రమంలోనే అభిమానులకు మరింత చేరువ కావడం కోసమే సొంతంగా యూట్యూబ్ ఛానల్ నిర్వహించానని తెలియజేస్తూ యూట్యూబ్ ఛానల్ ద్వారా ఒక వీడియోని అప్లోడ్ చేశారు. ఈ వీడియోలో భాగంగా తన ఇష్టాయిష్టాలు గురించి చెప్పుకొచ్చారు. తనకు యాక్టింగ్ డాన్స్ అంటే ఎంతో ఇష్టమని యూట్యూబ్ ఛానల్ ద్వారా వీడియోని షేర్ చేసిన రష్మిక ఎక్స్ కుసంబంధించిన విషయాల గురించి మాత్రం చెప్పనని ముందుగానే వెల్లడించారు.
ఈ విధంగా యూట్యూబ్ ఛానల్ ద్వారా ప్రేక్షకులకు, అభిమానులకు మరింత చేరువకానున్న ఈ ముద్దుగుమ్మ ఇకపై యూట్యూబ్ ద్వారా ఎలాంటి వీడియోలను షేర్ చేస్తారో అని అభిమానులు కూడా ఎదురుచూస్తున్నారు అయితే యూట్యూబ్ ఛానల్ ప్రారంభించిన కొంత సమయానికి ఎంతోమంది సబ్స్క్రైబర్లు పెరిగిపోయారు. ఇకపోతే ఇదివరకే కీర్తి సురేష్ రాశిఖన్నా వంటి హీరోయిన్లు కూడా యూట్యూబ్ ఛానల్ స్టార్ట్ చేసిన సంగతి మనకు తెలిసిందే.ఇక రష్మిక సినిమాల విషయానికొస్తే తాజాగా శర్వానంద్ సరసన నటించిన ఆడవాళ్లు మీకు జోహార్లు అనే సినిమా ద్వారా ప్రేక్షకుల ముందుకు వచ్చారు. ఇక బాలీవుడ్ ఇండస్ట్రీలో నటించిన రెండు చిత్రాలు విడుదలకు సిద్ధంగా ఉన్నాయి. అలాగే ఈ సినిమా చిత్రీకరణతో రష్మిక బిజీ కానున్నారు.