పాన్ ఇండియా స్టార్ ప్రభాస్ హీరోగా నటించిన లేటెస్ట్ చిత్రం “ఆదిపురుష్” ఇప్పుడు వరల్డ్ వైడ్ గా రిలీజ్ కి సిద్ధంగా ఉన్న సంగతి అందరికీ తెలిసిందే. కాగా ఈ చిత్రం రిలీజ్ తర్వాత మరిన్ని సినిమాలు ప్రభాస్ లైనప్ లో ఉండగా వాటిలో “సలార్” ఈ ఏడాదిలోనే రిలీజ్ ఉండగా..
మళ్ళీ కొన్ని నెలల గ్యాప్ లోనే తన వరల్డ్ చిత్రం “ప్రాజెక్ట్ కే” అయితే వచ్చే ఏడాది జనవరిలో సంక్రాంతి కానుకగా రిలీస్ కి సిద్ధంగా ఉంది. కాగా ఇపుడు షూటింగ్ సహా పోస్ట్ ప్రొడక్షన్ పనులు కూడా శరవేగంగా కంప్లీట్ చేసుకుంటున్న ఈ మాసివ్ ప్రాజెక్ట్ పై లేటెస్ట్ యంగ్ హీరో రానా దగ్గుబాటి పలు సంచలన వ్యాఖ్యలు చేయడం వైరల్ గా మారింది.
కాగా ఈ చిత్రంపై నేషనల్ మీడియాలో మాట్లాడుతూ ప్రభాస్ ఇప్పుడు దర్శకుడు నాగ్ అశ్విన్ తో ప్రాజెక్ట్ కే అనే సినిమా చేస్తున్నాడు అని ఈ చిత్రం కోసం మేమంతా చాలా ఆసక్తిగా ఎదురు చూస్తున్నాం. ఎందుకంటే ఈ సినిమా వరల్డ్ సినిమా దగ్గర RRR, బాహుబలి సినిమాలు అందుకోని బౌండరీలను దాటుతుంది అని కామెంట్స్ చేశారు.
అయితే ఇది మామూలు స్టేట్మెంట్ కాదనే చెప్పాలి. అలాగే RRR ని మించి అంటే కాస్త ఆలోచించాల్సిందే అని చెప్పాలి. గ్లోబల్ గా RRR సినిమా అందుకున్న ఫేమ్ అంతా ఇంతా కాదు ఇప్పటికీ కూడా ఈ పేరు వరల్డ్ వైడ్ ఆడియెన్స్ లో వినిపిస్తుంది. దీనితో ఈ చిత్రం RRR ని మించి అదిరే ఫేమ్ అందుకుంటే అంతకన్నా ఇండియన్ సినిమాకి గర్వకారణం ఇంకేం ఉంటుంది.