Ram Pothineni: ఎనర్జిటిక్ హీరో రామ్ తన తదుపరి ఈ చిత్రాన్ని యాక్షన్ డైరెక్టర్ బోయపాటి డైరెక్షన్ లో తీయనున్నాడని ప్రకటించాక ఫ్యాన్స్ లో అంచనాలు భారీగా పెరిగాయి. అఖండ వంటి మాస్ సక్సెస్ తర్వాత బోయపాటి తన తదుపరి చిత్రంగా రామ్ తో ఒక యాక్షన్ ప్యాక్ సినిమా తీయబోతున్నాడు. ఈ సినిమాను పాన్ ఇండియా లెవెల్ లో ప్లాన్ చేస్తున్నారు చిత్ర యూనిట్. తెలుగు, మలయాళం, తమిళ, కన్నడ, హిందీ భాషలలో రిలీజ్ చేయాలనీ భావిస్తున్నారు.
ఇక ఈ సినిమా కోసం బాలీవుడ్ హీరోయిన్ పరిణితి చోప్రాను అనుకుంటున్నారట. ఈ భామను సంప్రదిస్తే స్టోరీ లైన్ విని ఈ సినిమాకు గ్రీన్ సిగ్నల్ ఇచ్చిందని సమాచారం. రామ్ ప్రస్తుతం లింగస్వామి డైరెక్షన్ లో ద్విభాషా చిత్రం లో నటిస్తున్నారు. తమిళ, తెలుగులో ఒకేసారి రిలీజ్ కు ప్లాన్ చేస్తున్న ఈ సినిమాలో హీరోయిన్ కీర్తి శెట్టి.
ఈ సినిమా తర్వాత రామ్ బోయపాటి కాంబో సినిమా ప్రారంభిస్తారు. స్క్రిప్ట్ వర్క్ పనిలో బోయపాటి బిజీగా ఉన్నారు. ఈ మాస్ ఎంటర్టైనర్ కోసం ఫ్యాన్స్ అంచనాలు బాగానే పెట్టుకున్నారు. మరి ఈ ఎనర్జిటిక్ స్టార్ యాక్షన్ డైరెక్టర్ తో కలిసి ఏ విధంగా ప్రేక్షకులను సందడి చేస్తారు తెలియాల్సి ఉంది.మొత్తానికి అఖండ వంటి అద్భుతమైన విజయం తర్వాత బోయపాటి చేస్తున్న ఈ సినిమాపై కూడా అభిమానులు ఎన్నో అంచనాలు పెట్టుకున్నారు. మరి బోయపాటి అంచనాలను చేరుకోగలరా లేదా అనే విషయం తెలియాల్సి ఉంది.