రకుల్ ప్రీత్‌పై నిత్యం ఏదో ఒక వార్త వస్తూనే ఉంటుంది. రకుల్ అది చేస్తోంది.. ఇది చేస్తోంది.. అక్కడి వెళ్లింది.. ఇక్కడకు వచ్చింది.. సినిమాల్లేవు.. ఖాళీగా ఉంటోంది.. రకుల్ సినిమాలను రిజెక్ట్ చేస్తోంది.. ఇలా ఏవేవో రూమర్లు వస్తూనే ఉంటాయి. కొన్నింటికి రకుల్ స్వయంగా సమాధానం ఇస్తూ ఉంటుంది. మరికొన్నింటిని అలా వదిలేస్తుంది. ఇక కొన్నింటిపై తన టీంతో రియాక్షన్ ఇప్పిస్తుంది. తాజాగా రకుల్ అలాంటి పనే చేసింది.
ప్రస్తుతం రకుల్ మాల్దీవుల్లో ఎంజాయ్ చేసి ఇంటికి తిరిగి వచ్చింది. తన పేరెంట్స్ 31వ వివాహా వార్షికోత్సవ వేడుకలను మాల్దీవుల్లో ఘనంగా నిర్వహించింది. ఈ వెకేషన్‌లో రకుల్ బికినీలో చేసిన రచ్చ మామూలుగా లేదు. సోషల్ మీడియా మొత్తాన్ని హీటెక్కించింది. ఆ విషయాలను కాసేపు పక్కనపెడితే.. రకుల్ టీం తాజాగా ఓ క్లారిటీ ఇచ్చింది. రకుల్‌కు ఎలాంటి ప్రాజెక్ట్‌లు రావడం లేదని, ఖాళీగా ఉందని పిచ్చి పిచ్చి రూమర్లు వస్తున్నాయట.
వాటిపై రకుల్ మేనేజర్ స్పందించాడు. రకుల్ ప్రాజెక్ట్‌లపై వస్తోన్న రూమర్లను ఖండించాడు. రకుల్ ప్రస్తుతం నితిన్ చక్ర సినిమాలో, క్రిష్ వైష్ణవ్ తేజ్ సినిమాలో, తమిళంలో శివ కార్తికేయన్ సినిమాలో నటిస్తోందని తెలిపాడు. హిందీలో జాన్ అబ్రహం, అర్జున్ కపూర్‌ సినిమాల్లో నటిస్తోందన్నాడు. రీసెంట్‌గా అమితాబ్ అజయ్ దేవగణ్ సినిమాలో ఎంపికైందని క్లారిటీ ఇచ్చారు. అలాంటి రూమర్లు రావడం ఏంటో.. ఇలా క్లారిటీలు ఇవ్వడం ఏంటో అని నెటిజన్లు కామెంట్లు చేస్తున్నారు.
Rakul Preet, Rakul Preet Singh, రకుల్ ప్రీత్