సింఘం ఎగైన్‌లో తన పాత్రకు విమర్శల ప్రశంసలు అందుకున్న అర్జున్ కపూర్ చాలాకాలం తర్వాత రొమాంటిక్ కామెడీ జోనర్లో సినిమా చేస్తున్నాడు. ముదస్సర్ అజీజ్ దర్శకత్వంలో అర్జున్ తో కలిసి రకుల్ ప్రీత్ సింగ్ మరియు భూమి పెడ్నేకర్ ముగ్గురూ మొదటి సారీ వెండితెరపై కనిపించబోతున్నారు. నటులు అర్జున్ కపూర్, రకుల్ ప్రీత్ సింగ్ మరియు భూమి పెడ్నేకర్ తమ రాబోయే రొమాంటిక్ కామెడీ మేరే హస్బెండ్ కి బీవీ కోసం సిద్ధమవుతున్నారు.
ఈ సినిమాని ఫిబ్రవరి 21 న విడుదల చేయనున్నారు. మేకర్స్ మోషన్ పోస్టర్‌తో అధికారికంగా ప్రకటించారు .మేకర్స్ చమత్కారమైన మోషన్ పోస్టర్‌ను ఆవిష్కరించారు.విభిన్నమైన పాదరక్షలతో కూడిన ఫస్ట్ లుక్ పోస్టర్ ఇప్పటికే అందరి దృష్టిని ఆకర్షించింది.మోషన్ పోస్టర్‌లో జయప్రద మరియు అమితాబ్ బచ్చన్ నటించిన 1990 చిత్రం ఆజ్ కా అర్జున్‌లోని ప్రముఖ ట్రాక్ ‘గోరీ హై కలైయాన్’ కూడా ఉంది పూజా ఎంటర్‌టైన్‌మెంట్ యొక్క ఇన్‌స్టాగ్రామ్ పేజీ మోషన్ పోస్టర్‌ను షేర్ చేసారు.
,“ యహాన్ ప్యార్ కి జామెట్రీ థోడి ట్విస్టెడ్ హై’ క్యుంకీ యే లవ్ ట్రయాంగిల్ నహీ, పురా సర్కిల్ హై! (ఇక్కడ, ప్రేమ యొక్క జామెంట్రీ కొంచెం వక్రీకరించబడింది- ఎందుకంటే ఇది ట్రయాంగిల్ లవ్ స్టోరీ కాదు, ఇది పూర్తి వృత్తం). అనే ట్యాగ్ లైన్ కూడా తగిలించారు. ఈ చిత్రాన్ని నవంబర్ 2022లో ప్రకటించారు మరియు ఇప్పుడు 2025లో విడుదల చేయనున్నారు. ఈ సినిమాని వసుభగ్నాని, జాకీ బగ్నాని నిర్మిస్తున్నారు. ఇంతకుముందు, అర్జున్ చివరిసారిగా సింగం ఎగైన్‌లో కనిపించాడు , ఇది పౌరాణిక ఇతిహాసమైన రామాయణానికి సమాంతరమైన కధ .
రోహిత్ శెట్టి దర్శకత్వం వహించిన ఈ చిత్రం సింగం ఫ్రాంచైజీలో మూడవ చిత్రం మరియు అతని కాప్ వరల్డ్ లో ఐదవ భాగం. ఇక రకుల్ ప్రీత్ సింగ్ తరువాత దే దే ప్యార్ దే 2 సినిమాలో కనిపించనుంది. ఇండియన్ త్రీ లో కూడా ఆమె మనకి కనిపించబోతుంది.అలాగే భూమి ఈ సినిమా తర్వాత దాల్దర్ అనే వెబ్ సిరీస్ లో కనిపించబోతుంది ఇప్పటికే ఈ వెబ్ సిరీస్ షూటింగ్ పూర్తి చేసుకుంది.