RRR: నందమూరి, మెగా హీరోలు కలిసి ఒకచోట ఉంటేనే రచ్చ రచ్చ చేస్తారు వారి అభిమానులు. తెలుగు రాష్ట్రాల్లో భారీగా అభిమానులున్న రెండు పెద్ద సినిమా కుటుంబాలు కాబట్టి ఫ్యాన్స్ కు క్రేజ్ ఎక్కువ.ఇప్పటి వరకు బాలకృష్ణ, చిరంజీవి కలిసి సినిమాలో నటించాలని అభిమానులు చాలా ఆశపడ్డారు. కాని ఇంతవరకు వారి కోరిక తీరలేదు.
అయితే ఇపుడు రాజమౌళి పుణ్యమా అని మెగా వారసుడు రామ్ చరణ్, నందమూరి చిన్నోడు ఎన్టీఆర్ కలిసి ఆర్ఆర్ఆర్ సినిమాలో నటించారు. ఇక ఈ సినిమా మార్చి 25 న ప్రేక్షకుల ముందుకు రానుంది.ప్రీ రిలీజ్ ఈవెంట్ ను భారీ ఎత్తున ప్లాన్ చేసాడు జక్కన్న.రాష్ట్రంలోనే కాక ప్రపంచ వ్యాప్తంగా కూడా ఈ సినిమాను భారీ ఎత్తున విడుదల చేయబోతున్నారు. అమెరికా లో ఈ సినిమా ఇప్పటికే అడ్వాన్స్ బుకింగ్ ద్వారా ఏకంగా రెండు మిలియన్ డాలర్లను వసూలు చేసినట్లు తెలుస్తోంది. ఈ సినిమా 10 మిలియన్ల డాలర్లను అక్కడ వసూలు చేసే అవకాశాలు కనిపిస్తున్నాయని టాక్ వినిపిస్తోంది.
నందమూరి మరియు మెగా ఫ్యామిలీ లకు సంబంధించిన హీరోల సినిమా అవ్వడం వల్ల ప్రీ రిలీజ్ ఈవెంట్ కు ఖచ్చితంగా భారీ ఎత్తున అభిమానులు వస్తారు. వారిని సంతృప్తి పరచడానికి బాలకృష్ణ మరియు చిరంజీవులు వస్తే బాగుంటుందని రాజమౌళి భావించాడు. అందుకే స్వయంగా రాజమౌళి వారిని ఆహ్వానించారని సమాచారం అందుతుంది. టాలీవుడ్ కు చెందిన ప్రముఖులు ఈ ఈవెంట్ లో పాల్గొంటారని సమాచారం. తాజాగా అందుతున్న ప్రకారం ఇప్పటికే వీరిద్దరు కూడా ఈ కార్యక్రమానికి హాజరు అయ్యేందుకు ఓకే చెప్పారని తెలుస్తోంది