ఆర్ఆర్ఆర్ టాలీవుడ్ రాజమౌళి దర్శకత్వంలో తెరకెక్కుతున్న భారీ మల్టీస్టారర్ సినిమా. లాక్ డౌన్ తర్వాత శరవేగంగా షూటింగ్ జరుగుతున్న ఆర్ఆర్ఆర్ సినిమా తాజా అప్ డేట్ ను ఇచ్చారు రాజమౌళి బృందం. సంక్రాంతి పండుగ సందర్భంగా చిత్ర యూనిట్ సెలవులు తీసుకున్న సంగతి తెలిసిందే. మళ్ళీ క్లైమాక్స్ షూటింగ్ కోసం సెట్స్ మీదకి వచ్చినట్టు రాజమౌళి టీం అధికారికంగా ప్రకటించారు. అంతేకాదు హీరోలు అయిన రాం చరణ్ – ఎన్.టి.ఆర్ చేతులు పట్టుకున్న ఫొటో కూడా షేర్ అభిమానులకి చేశారు.
ఈ ఒక్క ఫొటో ఇప్పుడు ట్రెండింగ్ అవుతోంది. ఇప్పటి వరకు రామరాజు ఫర్ భీం.. భీం ఫర్ రామరాజు టీజర్స్ కి ఎంతటి క్రేజ్ వచ్చిందో అంతకంటే ఎక్కువ క్రేజ్ తాజాగా రిలీజ్ చేసిన ఫొటోస్ కి వచ్చింది. అంతేకాదు ఖచ్చితంగా ఈ సినిమా సంచలనం సృష్ఠించడం ఖాయమని అంటున్నారు. ఇక ఖచ్చితంగా ఆర్ఆర్ఆర్ సినిమాలో ఎన్.టి.ఆర్ – చరణ్ కలిసి భారీ యాక్షన్ లో కనిపించబోతున్నారని చెప్పుకుంటున్నారు. ఇక తాజాగా ఆర్ఆర్ఆర్ నుంచి మేకర్స్ వదిలిన పోస్టర్ కి రకరకాలుగా కామెంట్స్ వస్తున్నాయి.
అంతేకాదు చాలామందిలో ఊహించని ప్రశ్నలు మొదలయ్యాయి. చరణ్ – తారక్ కలిసి వేరే వారితో ఫైట్ చేస్తారా లేదా ఇద్దరి మధ్య భారీ ఫైట్ ఉంటుందా అన్నది మొదటి ప్రశ్న. అలాంటి ప్రశ్న మొదలవడానికి కారణం బాహుబలి సినిమా. బాహుబలి సినిమాలో ప్రభాస్.. రానాల మద్య ఫైట్ ను అద్బుతంగా చూపించిన రాజమౌళి ఈ సినిమాలో కూడా ఇద్దరు హీరోల మద్య ఫైట్ ను పెట్టి ఉంటాడన్న మాట వినిపిస్తోంది. అయితే ఇంటర్వెల్ కి ముందు వచ్చే ఫైట్ తో చరణ్ – తారక్ కలుస్తారని ఆ మధ్య వార్తలు వచ్చాయి. ఈ ఇద్దరిని కలిపేది కూడా ఆలియా భట్ అని సమాచారం. అయితే క్లైమాక్స్ ఫీట్ మాత్రం ఇద్దరు కలిసి వేఏ వారితో తలపడతారని తెలుస్తోంది. ప్రస్తుతం అందుకు సంబంధించిన పోస్టర్ నే రాజమౌళి బృందం రిలీజ్ చేశారట.