డార్లింగ్ ప్రభాస్ డైరెక్టర్ మారుతి కాంబినేషన్లో రూపొందుతున్న సినిమా రాజా సాబ్. సాలార్, కల్కి సినిమాల తర్వాత ప్రభాస్ నుంచి వస్తున్న చిత్రం కావడంతో ఈ సినిమాపై భారీగా అంచనాలు ఉన్నాయి. టీజీ విశ్వప్రసాద్ నిర్మిస్తున్న ఈ సినిమాలో నిధి అగర్వాల్, మాళవిక మోహన్, రిద్ది కుమార్ లు కథానాయికలుగా నటిస్తున్న సంగతి తెలిసిందే. సినిమా ప్రారంభమయ్యి రెండేళ్లయినా ప్రభాస్ ఎక్కువ డేట్స్ ఇవ్వకపోవడంతో షూటింగ్ ఎక్కువ జరగలేదు.
ప్రస్తుతం ఫుల్ స్వింగ్ లో షూటింగ్ జరుగుతుందని, ప్రభాస్ కి ఇతర చిత్రాలు ఉన్నప్పటికీ ప్రస్తుతం రాజా సాబ్ సినిమా కోసం ఎక్కువ సమయం కేటాయిస్తున్నట్లు చెప్పారు నిర్మాత. ప్రభాస్ ని ఈ సినిమాలో చాలా డిఫరెంట్గా చూపించబోతున్నట్లు సమాచారం. ప్రభాస్ రెండు భిన్న కోణాలున్న పాత్రలో కనువిందు చేయబోతున్నారట. ఈ సినిమాకి తమన్ మ్యూజిక్ డైరెక్షన్ చేస్తున్నారు, ఈ సినిమాలో ఆరు పాటలు ఉంటాయని చెప్తున్నారు.
ఈ ఆరు పాటలలో రెండు పాటలను విదేశాల్లో చిత్రీకరించే విధంగా ప్లాన్ చేశారట. అందులో భాగంగా ఒక పాటను యూరప్ లో ప్రభాస్ మాళవిక మోహన్ కాంబోలో షూట్ చేసేందుకు ప్రణాళికలు సిద్ధం చేశారు మూవీ టీం. ఈ జంట త్వరలోనే యూరప్ వెళ్లబోతున్నట్లు సమాచారం. ఈ మధ్యకాలంలో ప్రభాస్ నుంచి ఫారిన్ రొమాంటిక్ డ్యూయెట్ రాలేదు. దాంతో ప్రభాస్ ఫ్యాన్స్ ఈ రొమాంటిక్సాంగ్ కోసం ఆత్రుతగా ఎదురు చూస్తున్నారు. కాగా ఈ సినిమాలో బాలీవుడ్ స్టార్ సంజయ్ దత్ కీలక పాత్రలో కనిపించబోతున్నాడు.
కోలీవుడ్ స్టార్ కమెడియన్ యోగి బాబు కీలక పాత్ర పోషిస్తూ ఉండడం విశేషం. జనవరి నుంచి సినిమాకి సంబంధించిన ప్రమోషన్స్ జోరందుకుంటాయని, సంక్రాంతి కానుకగా సినిమా నుంచి తొలి సాంగ్ విడుదల చేసేందుకు సిద్ధమవుతున్నారు మూవీ మేకర్స్. ప్రభాస్ తన కెరియర్ లోనే మొట్టమొదటిసారిగా చేస్తున్న రొమాంటిక్ హర్రర్ మూవీ ఈ సినిమాయే కావటం విశేషం. ఈ సినిమాని 2025 ఏప్రిల్ 10న ప్రేక్షకుల ముందుకి రాబోతుంది.