Prabhas : ఆరడుగుల అందగాడు ప్రభాస్ అమ్మాయిలకు హార్ట్ బీట్ అయ్యాడు. బాహుబలి సినిమాతో ఇక పాన్ ఇండియా లెవెల్లో ప్రభాస్ రేంజ్ పెరిగిపోయింది. ఇక అమ్మాయిలలో ఫాలోయింగ్ కూడా అంతే రేంజ్ లో పెరిగింది డార్లింగ్ కి. ఇపుడు ప్రభాస్ నటిస్తున్న చిత్రాల్లో రాధే శ్యామ్, ఆదిపురుష్, సలార్ మీద ఆయన అభిమానులు బాగానే అంచనాలు పెట్టుకున్నారు. ఇక రాధే శ్యామ్ రిలీజ్ కూడా సిద్ధమైంది.
రాధే శ్యామ్ సినిమాలో ప్రభాస్ కు జోడి గా పూజ హెగ్డే నటించింది. రాధే శ్యామ్ సినిమా కోసం ప్రభాస్ అభిమానులతో పాటు సినిమా అభిమానులందరూ ఎదురు చూస్తున్నారు. ఈ సినిమా కు రాధా కృష్ణ కుమార్ దర్శకత్వం వహిస్తున్నారు. టి -సిరీస్, యు వి క్రియేషన్స్ సంయుక్తంగా నిర్మిస్తున్న ఈ సినిమా లో కృష్ణం రాజు, భాగ్యశ్రీ లు కీలక పాత్రల్లో నటిస్తున్నారు. ఈ సినిమా ను మార్చి 11 న ప్రపంచవ్యాప్తంగా రిలీజ్ చేయడానికి దర్శక నిర్మాతలు సిద్ధం చేస్తున్నారు. సినిమా విడుదలకు రెండు రోజుల సమయం, బొమ్మ పడిపోతుంది. ఇక రెండు రోజులు ఎదురు చూస్తే సినిమా జాతకం తెలిసిపోతుంది. సినిమా మొదలుపెట్టినప్పటి నుంచి సినిమా మీద ఉన్న అంచనాలు ఒక ఎత్తయితే, విడుదలకు ముందు ఈ సినిమా మీద అంచనాలు భారీగా పెరిగిపోయాయి.
ఇక ఈ సినిమా ప్రమోషన్స్ సందర్బంగా ప్రభాస్ ఛత్రపతి సినిమా సమయంలో జరిగిన ఒక సంఘటన గురించి చెప్పారు. చత్రపతిలో సముద్రం ఒడ్డున ప్రభాస్ విలన్ కాట్రాజ్‌ల ఫైట్‌ సీన్‌ ది బెస్ట్‌ యాక్షన్‌ సీన్‌గా నిలిచింది. ఈ సన్నివేశంలో ప్రభాస్‌ను విలన్ కర్రతో కోడతాడు. దీని కోసం విలన్ కాట్రాజ్‌కు సముద్రం ఉప్పుతో చేసిన నిజమైన కర్రను ఇచ్చారట. కానీ ఈ విషయం ప్రభాస్‌కు, విలన్ సుప్రిత్‌కు తెలియదు. దీంతో విలన్ సుప్రీత్‌ డూప్‌ కర్ర అనుకుని తన వీపుపై గట్టిగా కొట్టాడని చెప్పాడు.దాంతో తన వీపు పగిలిపోయిందంటూ ఫన్నీగా చెప్పుకొచ్చాడు ప్రభాస్. అయితే ఇదే విషయాన్ని ఆర్ట్‌ డైరెక్టర్‌ రవిందర్‌ను అడగ్గా.. పర్ఫెక్షన్ కోసం అంటూ సమాధానం ఇచ్చాడట. కాగా 2005లో రాజమౌళి డైరెక్షన్‌ వచ్చిన ఈ మూవీ బ్లాక్‌బస్టర్‌ హిట్‌ అందుకుంది. అప్పట్లోనే ఈ మూవీ రూ. 27 కోట్లు వరకు షేర్‌ వసూలు చేసిందట. అప్పటి వరకు లవర్‌ భాయ్‌గా కనిపించిన ప్రభాస్‌కు చత్రపతితో మాస్‌ ఇమేజ్‌ వచ్చింది. కాగా ఈ మూవీకి పనిచేసిన ఆర్ట్‌ డైరెక్టర్‌ రవిందర్‌.. రాధేశ్యామ్‌కు కూడా పని చేయడం కొసమెరుపు..