ఒక‌ప్పుడు తెలుగు రాష్ట్రాల‌కే వ‌ర‌కే ప‌రిమిత‌మైన ప్రభాస్ ఫ్యాన్ ఫాలోయింగ్ ఇప్పుడు ఎల్ల‌లు కూడా దాటింది. ర‌ష్యా, జ‌పాన్, చైనా వంటి దేశాల‌లో ప్ర‌భాస్‌కు డై హార్డ్ ఫ్యాన్స్ ఉన్నారు. ప్ర‌తి సినిమాకు త‌న అభిమాన గ‌ణాన్ని పెంచుకుంటూ పోతున్నారు ప్రభాస్ . ప్ర‌స్తుతం రాధేశ్యామ్ అనే ప్యాన్ ఇండియా సినిమా చేస్తున్న ప్ర‌భాస్‌కు ఇటలీలోను మంచి ఆద‌ర‌ణ ల‌భించింది. ఆయ‌న న‌టిస్తున్న తాజా చిత్రం కోసం ఇటలీ సినీ ప్రేక్ష‌కులు కూడా ఎంతో ఆస‌క్తిగా ఎదురు చూస్తున్నారు.
జిల్ ఫేమ్ రాధాకృష్ణ కుమార్ ఆరేళ్ల లాంగ్ గ్యాప్ తర్వాత ప్రభాస్ వంటి స్టార్ హీరోతో ‘రాధే శ్యామ్’ సినిమా తెరకెక్కిస్తున్నాడు. ఇటీవ‌ల చిత్రానికి సంబంధించి బీట్స్ ఆఫ్ రాధేశ్యామ్ పేరుతో ఓ వీడియో విడుదల చేయ‌గా, ఇది ప్రేక్ష‌కుల‌ని ఎంత‌గానో ఆక‌ట్టుకుంది. ఈ చిత్ర క‌థ సైన్స్‌కు, జ్యోతిష్యానికి మ‌ధ్య సాగుతుంది. ఇందులో ప్రభాస్ భ‌విష్య‌త్‌పై పూర్తి క్లారిటీతో ఉండే వ్య‌క్తిగా క‌నిపిస్తారు. ప్యాన్ ఇండియా మూవీగా రూపొందుతున్న ఈ చిత్రం తెలుగు, తమిళ, హిందీ, మలయాళ భాష‌ల‌లో భారీ ఎత్తున విడుదల కానుంది.
క‌రోనా వ‌ల‌న కొద్ది రోజులు గ్యాప్ తీసుకున్న రాధేశ్యామ్ చిత్ర బృందం ప్ర‌స్తుతం ఇటలీలో తిరిగి షూటింగ్ నిర్వ‌హిస్తున్నారు. పూజా హెగ్డేపై కీల‌క స‌న్నివేశాల చిత్రీక‌ర‌ణ ముగియ‌గా,ఇప్పుడు ప్ర‌భాస్‌పై షూట్ చేస్తున్నారు. అయితే ఇటలీలో క‌రోనా సెకండ్ వేవ్ మొద‌లు కావడంతో వీలైనంత త్వ‌ర‌గా చిత్రీక‌ర‌ణ ముగించేలా మేక‌ర్స్ ప్లాన్ చేస్తున్నారు. హైద‌రాబాద్‌లో చివ‌రి షెడ్యూల్ జ‌ర‌గ‌నుంది. తాజ‌గా ప్ర‌భాస్‌కు సంబంధించిన ఓ ఫోటో సోష‌ల్ మీడియాలో చ‌క్క‌ర్లు కొడుతుండ‌గా ఇందులో ప్రభాస్ రాజ‌సాన్ని చూసి అబ్బాయిలే కాదు అమ్మాయిలు వావ్ అంటున్నారు. అత‌ని లుక్స్‌కు తెగ ఫిదా అవుతున్నారు. ప్ర‌స్తుతం ఈ ఫోటో అంత‌ర్జాలంలో తెగ వైర‌ల్ అవుతుంది. రాధే శ్యామ్ సినిమాను దాదాపు రూ. 140 కోట్ల బడ్జెట్‌తో నిర్మిస్తున్నారు. ప్రభాస్ సొంత బ్యానర్ గోపీకృష్ణ మూవీస్‌తో పాటు సొంత సంస్థ లాంటి యూవీ క్రియేషన్స్ సంయుక్తంగా నిర్మిస్తున్నాయి.
చిత్రంలో విక్ర‌మాదిత్యగా క‌నిపించ‌నున్నాడు ప్రభాస్. ఈ సినిమాకు జస్టిన్ ప్రభాకరన్ సంగీతం అందిస్తున్నాడు. పునర్జన్మల నేపథ్యంలో ఇటలీ బ్యాక్ గ్రౌండ్‌లో తెరకెక్కుతోన్న ఈ సినిమాను వచ్చే యేడాది సమ్మర్‌లో విడుదల చేయనున్నారు. క‌రోనా టైంలోను ఇటలీలో షూటింగ్ చేస్తుండ‌డంతో అక్కడ మీడియా కూడా ఈ సినిమాపై స్పెషల్ కవరేజ్ కూడా ఇస్తుంది.